Shillong, Risaw 21 : Ka All Meghalaya Karate-Do Association (AMKA) kan pynlong ïa ka 31st State Karate Championship 2025 ha JN Indoor Stadium naduh ka 23tarik mynta u bnai.
Kane ka lympung ïalehkai kaba la pynlong da ka jingkyrshan jong ka Directorate of Sports and Youth Affairs, la khmih lynti ba kan sei bun bha ki nongïalehkai kiba kynsai na ka jylla ha ka jingïalehkai karate.
Lah ban kdew hangne ba ka East Khasi Hills ka la ïoh ban bat ïa ka nam lahduh ne ka Overall Champions ha ka thup ïalehkai ki shynrang bad kynthei ha ka lympung ïakhun ha ka samoi ba la dep. Katba ka Eastern West Khasi Hills ka la wan ha ka kyrdan kaba ar ha ka liang ki shynrang bad ka Ri-Bhoi pat ha ka kyrdan kaba ar ha ka liang ki kynthei.
Ïa kane ka lympung ïalehkai yn pynhap pyrda noh ha ka sngi Saitjain ha ka por 4:00 baje janmiet ha kaba u Myntri ka tnad Arts and Culture ka sorkar jylla, Bah Sanbor Shullai un long u Kongsan katba ha ka sngi sdang yn wan ban plie pyrda da ka Commissioner and Secretary Kong Matsiewdor War Nongbri IAS.
