Khliehriat, Risaw, 09: U Deputy Commissioner (Supply), East Jaiñtia Hills District u la pynbna paidbah ïa ka dor thymmai jong ka umphniang sharak ha East Jaiñtia Hills District kaba yn pyntreikam naduh u bnai Nailur 2025.
Ïa ka dor ha ki dukan Wholesale la buh T.62.70 bad ka dor ha Jaiñtia Service Station la buh ban long T.64.60.
Ka dor ban die ha Sub-Depot Sutnga kan long T.68.60 bad ha ki dukan Wholesale pat kan long T.66.70. Katba ïa ka dor ha ki dukan Fair Price Shop Centre kiba jngai palat ïa ka 5 kilo mitar na ki dukan Wholesale bad na Sutnga Sub-Depot yn buh dor da ka Vigilance Committee.
