Shillong, Risaw 05 :Ka Kur Nongrum ka la pynlong ïa ka Dorbar Bah kaba shisien Ar Snem ha ka 02 tarik Risaw 2025 ha U Soso Tham Auditorium, ryngkat ka jingrakhe ia U Jubilee Rupa ha ka jingdap 25 Snem jong ka jingïoh ïa ka ‘RITI TREIKAM Ka KUR NONGRUM’
Ha katei ka Dorbar la ïa shim bynta ki para Kur bad ki Shnat Kur na baroh kawei ka Bri U Hynñiew Trep. Nalor kiwei kiwei ki kam, Ka Seng Kmie Kur Nongrum ka la pynkup burom ïa ki para kur kiba lah kham paw bha ha ka imlang ka sahlang.
La pynkup burom ruh da ka khusnam ïa ki samla Kur kiba ïoh pdiang ïa u Gold Medal na ki University ki bapher bapher, bad ïa kiba don ha ka Merit List jong ki Examin bapher bapher.
Ka Kur ka la pynkup burom ruh ïa ki rang ïalehkai Sport bad ïa kiba don ha ka kam ka put ka tem kiba la mihkhmat ïa ka State bad ha ka National Level.
Ka Kur Nongrum Seng Kmie ka kyrkhu kyrdoh ïa baroh kiba ïoh ïa ki khusnam ba kin nang kiew shaphrang ha ka jingpule bad ha ki bynta ba ki don.
