Shillong, Risaw, 03: Ka samla Fidakini Kamar War na ka shnong Chutwakhu ka la ïoh phong ïa ka pansngiat ha ka rynsan ïakob Miss Jowai Teenager kaba la long ha ka sngi Palei.
Katba ïa ka kyrdan kaba ar la jop da ka samla Sunny L. Paslien na ka shnong Moodymmai bad ïa ka kyrdan kaba lai la jop da ka samla Ritreha ka Dkhar na ka shnong Iongkaluh.
Ïa kane ka rynsan ïakob ba la pynlong da ka Arts & Culture Committee jong ka Dorbar Shnong Chutwakhu, Jowai, ki don 12 ngut ki thei samla kiba la ïashim bynta ha ka Miss Jowai Teenager 2025 kiba dei na ki shnong bapher bapher jong ka rilum Jaiñtia ban pynpaw pyrthei ia ka sap ka phong kaba ki don.
