Ka samoi treikam kiba sam umphniang sharak ka la kut, hap wan shim aplikeshon thymmai

Shillong, Nailur 29: Ka ophis Deputy Commissioner (Supply), East Khasi Hills District ka la pyntip ba ka samoi treikam jong baroh ki nongsam umphniang sharak ne SK Oil dealers/SK Oil Agencies ha ki thaiñ Sor bad nongkyndong kan kut ha ka 31.12.2025 bad ka jingthung ia ki SK Oil Dealers thymmai na ka bynta kiba ha Sor bad nongkyndong kan treikam naduh ka 1.1.2026 ka ban kut ha ka 31.12.2030. Kumta kino kino ki briew kiba sngewbha kiba lah ban apply kum ki SK Oil Dealer jong ki centre jong ki. Ïa ki application form yn sam napoh ka ophis Deputy Commissioner, East Khasi Hills, Shillong bad ka tarik ba khatduh ban aiti ïa ki application kan long ha lane shwa ka 21.11.2025.
Baroh ki applicant ki dei ban pynpoi ïa ki kot ki sla ha ryngkat bad ki application form. Ki application kiba khlem pyndap pura yn ym lah ban pdiang bad ka ophis kan ym don jingkitkhlieh ïa ka jingslem ban pynpoi ïa ki application da ki dealer ne applicant.
Ïa ki jingtip ba bniah lah ban ïoh na ophis Deputy Commissioner (Supply), East Khasi Hills District.