Shillong, Nailur 23 : Da ka jingkmen ha ka 23-10-2025 I Bah Banteidor Lyngdoh MLA Ka 29-Mawkynrew Constituency i la ïoh ban plie ïa ka iing School ba thymmai ha Seventh Day Secondary School, Thynroit kaba la shna da ka jingiarap pisa jongi na ka MLA skhim . Ha kane ka jingplie la ïa don ryngkat i Bah Harkin Warjri Sordar Shnong Thynroit ryngkat I Pastor S. Hynniewta President Khasi Jaintia Conference Seventh Day Adventist, i Pastor A. kharpran Secretary Khasi Jaintia Conference Seventh Day Adventist, i Pastor P. Syntem, i Kong F. Shangpliang Education Director Khasi Jaintia Conference Seventh Day Adventist, i Bah B. Ksoo Treasurer Khasi Jaintia Conference Seventh Day Adventist, i Bah M. kharbihkhiew bad u Sir. Albert Kharsynniang Headmaster ka school lem ki Nonghikai, ki khynnah school bad ki kmie ki kpa ki khynnah school bad kiwei kiwei ki nongïalam Balang, ki nongïalam shnong.
La ïoh ban plie ïa ka School Building Da i MLA ryngkat ki riew rangbah ba ïadonlang ha katei ka sngi, Bad la kyrkhu kyrdoh da ka Jing duwai ïa ka school building da i Pastor P.Syntem, La ïoh ka jing kren na i Sordar Shnong Bah Harkin Warjri ha kaba i la ai khublei kyrpang ïa u MLA ba i la mang kyrpang ïa katei ka school building na ka scheme jong i, bad kumjuh ruh ïa i headmaster ba la khot ban ïa don lang ban plie ïa katei School Building. Ha ka Jing kren u Sordar u la ong ba u MLA ba kren kham jam ka kam ban ïa ka ktien, shisien ba i ong baroh kan urlong .
La ioh ruh ka jingkren na i Pastor S. Hynniewta President Khasi Jaintia Conference Seventh Day Adventist, ha kaba nyngkong I ai khublei ïa i MLA namar lada ym dei na i yn ym don kane ka program plie school building, ha kaba I ai jingïaroh ïa ka jingtrei shitom jong i ba i la lah ban ai school building na ka scheme MLA jong i ba peit lem ïa ka Jing donkam ka school. I la ban shuh shuh ba ngi donkam ïa u Briew ba trei ki kam namar bun ki Jing donkam ban kyntiew ïa katei ka school namar ba ki khynnah school ki la nangbun na uwei u snem sha uwei pat.
Bad ka jingkren na i Bah M. kharbihkhiew Member ka Managing Committee bad khatduh na i Chief Guest Bah Banteidor Lyngdoh MLA, ha kaba i la ainguh ïa U Blei Trai Kynrad ba u la ai ka mariang ba itynnad bad khamtam ka jingkhublei ïa i Head master ka school i ba la trei shitom ban pynkiew ïa katei ka school bad kumjuh ïa baroh kiba ïadonlang ha katei ka sngi. Na ka liang u MLA u la ai khublei kyrpang ïa ka Managing Committee bala pyntrei bha ïa katei ka school na ka scheme MLA ba la mang 5 Lakh Tyngka kaba la lah ban pyndep tang hapoh 11 bnai naduh ba la ïohpdiang ïa ka Workorder, I la kyntu kynpham ruh ïa ki khynnah school ban don ka dedication, discipline bad ka determination ban poi sha ka thong, namar ba ki kmie ki kpa jong ki dei tang ki nongrep katno ki trei shitom ban pynnang pyn stad ïa ki na ka jing shah ïa u slap ka lyer, namar kata ki dei ban trei shitom bad minot bha ban pass bha ha ki exam jong ki. U MLA u ai khublei kyrpang ïa u headmaster bad baroh ki Nonghikai ba trei shitom ban kyntiew ïa ka school bad dei na ki ba ka school ka kiew sted man ka snem bad khatduh khatwai i la kyntu ïa ka Managing Committee ban nangtrei shitom bad in ïai don ryngkat ha ki jingdonkam baroh.
