Shillong, Nailur 13: Ka IIM Shillong ka la pynlong la slem bha ïa ka jingïakren halor ka TED ha kaba kane ka la ai mynsiem bad wanrah ka jingkylla ïa ki bor pyrkhat jong ki samla pule. Ha u snem 2014, da ka jingïoh ka jingjop jong ki samla pule ka IIM Shillong ki la ïoh ïa ka scholarship ban ïashim bynta ha ka jingïalang kaba heh ka TEDGlobal Conference ha Rio, Brazil, ha kaba ka la lam ïa kane ka jaka pule ban don ka jingïadei bad ka TED.
Ka IIM Shillong kaba la pynlong ïa ka TEDx, ka rynsan ha kaba ka bor ki jingmut ki ïakynduhlang ban ai mynsiem ïa ki samla kiba paka ha ka jingnang jingstad. Ka prokram mynta u snem kaba la long ha ka 12 tarik hapoh ka phang “Beyond the Known,” ka pynleit jingmut halor ki sienjam jong ka jingdonkam ban mih shabar ban batai biang ïa ki pud ki sam bad kumjuh ruh ka jinglah jong ka longbriew manbriew.
TEDxIIMShillong 2025 ka la pynïar ïa ka jingkhot sngewbha ïa kiba shim bynta ba kin ïaid sha lyndet ki jingïasynriem, bad ka jingsakhi ïa ka jingdonkam ka jingshlur bad kiwei kiba pynwandur ïa ka lawei.
Ki nongkren ha kane ka prokram TEDxIIMShillong 2025 ki kynthup ïa u Brigadier Narendra Chaarag, uba la ïoh ïa ka gallantry awardee and Brigadier hapoh ka kam shipai ka ri. Uma Sudhir, Executive Editor ka NDTV. Ka la dei kaba la ïohpdiang ïa ka Ramnath Goenka bad Chameli Devi Jain Awards. Deepak Vohra, Indian Ambassador barim ka Armenia, Sudan, bad Poland, bad Special Advisor sha u Myntri Rangbahduh ka ri Africa. Aku Zeliang, nongseng ka Urra Design & Objects da Aku Zeliang, bad Creative Director ha Cane Concept bad Heirloom Naga Centre. Priyanshi Sharma, Journalist and Co-Founder of Peek TV. Ashish Chopra, recruiter ha Google bad co-founder ka Beunic India (featured on Shark Tank S2). Commander Preeti Yadav, ba la don 15 snem hapoh ka Indian Navy. Kevin Missal, National bestselling author bad CEO ka Hubhawks.
