Khliehriat Jylliew 28:Kum shibynta ka jing rakhe ïa ka sngi pyrshah drok, ka ophis u Superintendent of Police East Jaiñtia Hills District ka la dep pynlong shibun ki prokram ai jingpynshai ha ki shnong bapher bapher, ha kajuh ka por ka tnat pulit ka la pynlong ruh da ka jingïakop dro dur kaba ïadei halor katei ka phang ban ïaleh pyrshah ïa u drok, ha kane ka jingïakop ki khynnah na ki skul bapher bapher na East Jaiñtia Hills District ki la ïa shim bynta bad ka ophis u SP ka pynbna ïa ki kyrteng jong kito kiba jop ha kane ka jingiakop, kynthup ruh u Ayush Tamang, uba khynnah tam na kiba shim bynta ha kane ka jingïakop uba na Oxford Secondary School Ladrymbai.
Ki khynnah kiba jop kiba hapoh ka thup jong kito kiba 8 snem kyrta haduh 12 snem kyrta ki kynthup ka Sriya Rani Das, 11 snem kyrta kaba na ka skul Oxford Secondary School Ladrymbai, kaba la ioh ïa nam lah duh (firest prize), U Wankitkupar Suchiang, 12 snem kyrta, uba na Lumthymme English Medium L.P.School, u rung ha ka kyrdan ba ar (2nd Prize) bad u Evercareme Siangshai, 12 snem kyrta uba na Pamra Paithlu u rung ha ka kyrdan ba lai.
Ki lai ngut pat kiba jop kiba hapoh ka thup jong kito kiba ha ka kyrta 13 snem shaneng ki kynthup, ka Smita Das, 15 snem kyrta kaba na ka skul Oxford Secondary School Ladrymbai, kaba la ioh ïa ka nam lah duh (first prize), ka Balari ieid Sayoo, 15 snem kyrta, kaba na ka skul JNV School Rymbai, East Jaiñtia Hills District, kaba la rung ha ka kyrdan ba ar bad u Fortify Chyrmang, 14 snem kyrta, uba na Tuber Kmai shnong.
La pynbna ruh ïa ki kyrteng kiba ioh ïa ki consolation prize, ki shiphew ngut na ka thup jong kiba 8 snem haduh 12 snem kiba kynthup u Shubham Sarkar, 11 snem kyrta, na Little Star School Ladrymbai, Sobin Mangar, 10 snem na Oxford Secondar School Ladrymbai, u Raymond langstang, 12 snem kyrta, na Khatsoo Ripnar, ka Miency Kanai, 12 snem kyrta, na Khatsoo Ripnar, Kyrkhulang Rymbai, 10 snem kyrta, na Living Hope L.P.School Moolang, ka Mandaroi Pale, 12 snem kyrta, na Chiehruphi, Lamkishame Dkhar, 9 snem kyrta, na Ladrymbai, Nihi Freddy War, 11 snem kyrta, na Latyrke, Tyrshainmiki Phawa, 12 snem kyrta, na Nongsyntoin U.P.School, Beyonce Dkhar, 12 snem kyrta, na JNV Rymbai.
Ki shiphew ngut kiwei pat kiba ha ka thup jong kiba 12 snem shaneng kiba ioh ïa ki consolation prize ki kynthup, u Hit Dkhar, 16 snem kyrta, uba na Jalaphet U.P.School, ka Risaka Phawa, 13 snem kyrta, na Tuber Kmai shnong, Nandini Kumari, 13 snem kyrta, Oxford Secondary School Ladrymbai, Sakshi Mahil, 14 snem kyrta, na Little Star Secondary School Ladrymbai, Sanibha Rymbai, 14 snem kyrta, na Mukhep, u Akansha Gond, 13 snem kyrta, na Ladrymbai, u Varun Bamon, 15 snem kyrta, na Good Shepherd Secondary School Ladrymbai, Weanmi Dkhar,13 snem kyrta, na St.Peter Secondary School, Ladrymbai, Werdinand War, 14 snem kyrta, na Latyrke,Nnelisha Dkhar, 13 snem kyrta, na Wapung School. Na ka liang ka ophis u Supeintendent of Police East Jaiñtia Hills District, ka buh ka jingkyrpad ïa baroh kitei kiba la paw kyrteng kiba jop ha ka jingiakop dro dur bad kiba ioh consolation prize ba kin sngewbha ban wan mih sha ophis u Superintendent of Police kaba don ha Khliehriat ha 30 tarik u jylliew 2022 ha kaba kan don ka jingsam ïa ki prize kaba yn pynlong ha ka por 1 baje mynsngi.
