Shillong, Nailar 28 : U Bah P.T Sawkmie, MLA barim u kyrpad ïa Bah Prestone Tynsong, Deputy Chief Minister ba peit ïa ka tnad PWD ban ïarap shimkhia lem ban pyndep siang rong noh ïa ka surok na Nongkohlew sha Mawsiatkhnam namar kaba sah ka jingtrei sa tang ha kane ka bynta.
“Ha ka jingleit jong nga sha Umrynjah ha kine ki sngi ïa ka prokram ki samla, ki paidbah sha kane ka thain ki la pynsngew ïa kane ka jingeh bad dalade nga la mad ïa kane ka jingeh bad ka jingsniew ka surok ka la jur haduh katta katta ba ki mawria kiba siang ki la saphred lut bad bun ki kali ki la sahkut lut,” ong Bah Sawkmie
U la bynrap, “Ha kajuh ka por nga kyntu ïa ka PWD Division kaba dei peit ïa kane ka skhim PMGSY ban shimkhia lem ban phah ïa u contractor ban pyndep noh kham kloi khnang ban suk ki paidbah.”
“Kumban shu pynkynmaw kane ka PMGSY skhim ka dei ha ka por ka jinglong MLA jong nga, nga la proposed ne buh jingtyrwa ha u snem 2021, nga kmen ba ka skhim ka la ïaid shaid shaid shaphrang sha khmat,” pynkut Bah Sawkmie.
