Shillong, Nailar 22: Ka University of Science and Technology Meghalaya (USTM) ka la pynlong ïa ka jingïakren halor ka “India’s Economic Diplomacy” kaba la ai jingkren da u Dammu Ravi, Secretary (Economic Relations) ha ka Ministry of External Affairs, ka sorkar pdeng. Ïa kane prokram la pynïaid da u Padma Shri Dr. Sarbeshwar Sahariya, Pro-Vice Chancellor USTM.
Ïa kane ka jingïakren la pynlong ha Central Auditorium ka USTM, ha kaba la ïoh ka jingkren pdiang na u Padma Shri Dr. Sarbeshwar Sahariya, Pro Vice Chancellor of USTM.
Hadien pat la pynbud da ka jingbatai jong u Dr. Rejaul Karim Laskar, Director of the Centre for Advanced International Studies (CAIS) ïa ki kam ba dei bad ka USTM bad kiwei pat ki skulbah ki ri ka pyrthei.
Ka la don ruh ka jingpynlait ïa ka CAIS Activity Report 2024-2025 bad u Dammu Ravi, Secretary (Economic Relations) Ministry of External Affairs, u la kren shaphang ka ïoh ka kot jong ka India.
U la kdew ruh halor ki jingkylla kiba la wan ha ka pyrthei ha kane ka spah snem kaba 21. U la kren shaphang ka jingkynriah ha ka global power politic na ka Trans-Atlantic sha ka Indo-Pacific na kiba bun ki daw.
U la ong, “Ha kylleng ka pyrthei, ki ri kiba riewspah ki nang riewspah bad ki ri kiba dang kiew ki la kylla long kiba jem bad dei na kane la wanrah ka jingmut halor ka Global South kaba long kaba kongsan bha.”
U la ong ba u la ieh ïa ka jingmut jingpyrkhat kaba ka pyrthei ym tang ba kan wanrah ka jingbym ïaryngkat hynrei ka jingïaleh na ka bynta ka pateng kaba lawei naba donkam ban long kiba la pynkhreh da ki jingnang jingtip, ki jingmut ba bha bad kiwei kiwei ha kane ka spah snem kaba 21.
U la batai halor ka jingkylla ha ka kam sam ïa ki tiar ki tar kiba la sangeh na ka daw ka jingïakynad hapdeng ki ri ka pyrthei.
U la wanrah ka jingkren halor ka jingphiah ha ki kam digital, ha kaba 3 billion ngut ki nongshong shnong ka Global South jong ka pyrthei kim don ïa ka Internet, ha kaba kane ka la ieh ïa ki shadien. Ka la kyntiew ïa ka ram ki paidbah kaba long 102 trillion dollar, katba 29 trillion dollar ha ki ri ba dangkiew.
Hadien ka jingkren u Dammu Ravi, ki la don ki jingkylli ba la kylli da ki samla pule bad kiwei kiwei. Ïa ka prokram la pynkut da ki kyntien ai khublei na Dr. Abhinandan Das, Principal of PA Sangma International Medical College.
