Shillong, Nailar, 20: Ka Kashari jong ka Kong P. Syngkon Special Judge, POCSO ka West Jaiñtia Hills Distict ka la rai pynrem hapoh ka Section 3(a) jong ka POCSO Act da kaba phah set phatok 20 snem kynthih ïa u Heingaid Bareh uba dei na ka shnong Mowbhar (Mowjem), hajan ka shnong Moolaber bad daiñ kuna T.30 hajar kum ka jingpynshitom hapoh ka Section 4 jong ka POCSO Act, 2012.
U kyrwoh ba la phah da u Superintendent of Police ka West Jaiñtia Hills u la pyntip ba ha ka 7 tarik, Naiwieng, 2017 ki Pulit ki la ïoh pdiang ïa ka ejahar na ka nongujor kaba la pyntip ba ha ka 6 tarik, Naiwieng, 2017 ha ka por kumba 2:30 baje noh sngi, i khun kynthei ba dang 11 snem ka rta i la shah leh be-ijor ha u Heingaid Bareh katba ma ka bad ka paramarjan ki dang leit khar dieng ïap sha khlaw.
Tang shu dep leh ïa kane ka kam, u runar u la phet bak.
Ïa ka case la register ha Jowai P.S. Case No. 192(11)17 hapoh ka Secton 4 jong ka POCSO Act bad ïa ka jingtohkit la bynshet bad la pynngat kyndon da ka WPSI R. M. Suchiang.
