Shillong, Nailar 20: Ka Meghalaya ka la mad ïa ka nam rem noh ha ka jingïalehkai ba sdang pyrshah ïa ka Mizoram da 2-0 kol ha ka lympung ïalehkai phutbol jong ka Sub-Junior Girls’ National Football Championship 2025-26 (Tier 1) hynne ka sngi Balang ha Jorhat, Assam.
Ki ar tylli ki kol ba la thep ha ka kylla step da ka Zonunsiami (2′) bad ka P Seipaw (44′) ka la pynskhem ïa ka jingjop ha kaba ka Mizoram ka la pyneh triang ban khanglad ïa ka Meghalaya haduh kaba kut jong ka por ba la mang.
Mynta u snem ka Meghalaya ka la shah pynngat ha ka Group A ryngkat ka Jharkhand, Mizoram bad ka Gujarat.
Ka kynhun kaba bat ïa ka burom lahduh, ka Manipur ka don ryngkat bad ka Delhi, Tamil Nadu bad ka Assam kaba pdiang pynlong ïa ki jingïalehkai ha ka Group B, katba ki kynhun jong ka Group C ki kynthup ïa ka West Bengal, Maharashtra, Odisha bad ka Haryana. Ka Bihar, Karnataka, Madhya Pradesh bad ka Punjab ki don ha ka Group D.
Ka Meghalaya kan aireng sa ïa ka Gujarat la sngi Thohdieng ha ka por 8:30 baje mynstep.
