Jowai, Risaw 15: Ki resol jong ki jingïalehkai phutbol ha ka kyrdan “Super Division” bad ka 1st Division League 2026 bala pynïaid daka East Jaiñtia Hills District Football Association (EJHDFA) kaba la long hynne ka sngi Palei 15 tarik Risaw ha madan Artificial Diengshynrum, Khliehriat.
Haba phai sha ka jingïakhun jong ka 6th Kyrmen Shylla Contribution Trophy League Stage 2026 haka kyrdan “Super Division” hapdeng ka kynhun ïalehkai jong ka Chiehruphi SYWSC bad ka Shilliang Umshong SC kila poi sha ka jingïakhaid da mar shikol (1-1), ïa ka kol naka Chiehruphi SYWSC la thep da u Meshwa Lapasam haka minit ba 12, katba ïaka kol naka Shilliang Umshong la thep da u Hesmiky Rymbai haka minit ba 11.
Katba haka jingïakhun jong ka Thomas Nongtdu Memorial Trophy haka kyrdan 1st Division League 2026 ka kynhun ïalehkai jong ka Lumshnong YWSC kala jop da 4-0 kol ïaka R.Wahshnong SC, ïa ki kol naka Lumshnong YWSC la thep da u Golden Japui haka minit ba 36, u Solomon Sympli haka minit ba 60, u Niponghi Sumer haka minit 69 (Penalty) bad u Eleven Biam haka minit 89.
Lyngba kane ka jingjop jong ka Lumshnong YWSC kala ïoh ban rung sha ka ‘Quarter Final’ jong kane ka lympung ïalehkai 1st Division 2026.
