Nongpoh, Nailar 05: Ka Synjuk ki Rangbah Shnong Ri-Bhoi District ki la pynpaw ka jingsngewkhia halor ka jingplie paidbah ïa kawei ka Night Club ha ka thaiñ Jorabat Kaaba hap ha ka shnong Mawsmai ha Ri-Bhoi District watla katei ka Night Club kam pat shai bha ha ki nongïalam shnong hynrei la sngewthuh ki don shibun ki jingpynsngewbha ha katei ka Club kumba la kynnoh ruh ba ka don ka jingkhalai beaiñ shapoh katei ka Hotel.
Haba kren sha ki lad pathai khubor u General Secretary ka SRSRBD u Bah P.B Sylliang u la ong ba kaba kham ma shuh shuh ba lehse ïoh ha katei ka club ka don ka jinglehkai khalai bad kumba ka Synjuk ki Rangbah Shnong ka la ju pyrshah ïa ka casino ha ki snem bala leit kan iai pyrshah beit haduh mynta ïoh lehse ka don ka jingpyndonkam bakla bad kum ki Rangbah Shnong kin sa pan jingshai na u DC ka Ri-Bhoi ha kaba ïadei bad katei ka bynta bad wat ban leit jurip hi ha kawei ka por.
