Shillong, Nailar 05 : U Bah PT Sawkmie, MLA barim ka Mawlai ha ka sngi Hatmajai ka 05 tarik u Nailar, 2025 u la aiti da ki jersey ïa ki khynnah kynthei basketball jong ka Sacred Hearts Boys Higher Secondary School, Mawlai kiba ïa shim bynta ha ka K. V. George Don Bosco Inter School Basketball Tournament 2025 ba la pynïaid da ka St. Anthony’s Higher Secondary School, Shillong.
U Bah Sawkmie u la aiti ïa kine ki jersey hadien ba kine ki khynnah ki la dep pyrshang ban wadlad wad lynti bad khatduh ki la leit ban pynsngew sha u bah PT Sawkmie, uba la shah shkor ïa ki.
Ha kajuh ka por na ka liang Bah Sawkmie ruh, u la kitbok kitrwiang ïa kane ka kynhun ïalehkai basketball ba kan ïoh khur ïa ka jingjop bad ban ïohrah ïa kane ka tournament kumba ki la ïohrah mynshem snem, kaban long ka burom ruh na ka bynta ka Sacred Heart Boys HSS.
Ha kane ka Tournament ka Sacred Heart Boys ka la ïoh rung sha ka semifinal kaba kin sa ïalehkai shen ha ki sngi ban wan.
