Nongpoh, Nailar 03: Tang hadien ba u MLA ka Jirang Constituency u Bah Sosthenes Sohtun u la phah tohkit bad phah kyndang ïa u DC ka Ri-Bhoi hadien ka jingkynnoh ba ka don ka jingpynïaid sop sop ïa ka Night Club bad ka khalai beaiñ ha Queens Hotel kaba don ha Jorabat, hynrei ha ka miet sngi Saitjaiñ la plie paidbah syndon ïa ka Pine Club ha katei ka Hotel.
Ïa katei ka Pine Club la leit ban plie da u actor ba pawnam ka Bollywood u Govind Arun Ahuja bala ju tip paidbah ruh kum u Govinda da ka jingdonlang u James PK Sangma Chairman ka MIDC ba dei ruh u myntri barim ka sorkar jylla, ki nongïalam ka Pine Club bad kiwei kiwei ki riew pawkhmat.
Na ka liang u Bah Mayborn Rapthap Vice President ka Pine Club u la ong ba ka jingthmu ban thaw ïa ka Pine Club khamtam ha khappud ka Meghalaya bad Assam ka long ban don ka jingïajuh ïajan bad ban aikam ruh khamtam ïa ki samla na Ri-Bhoi District bd na ka jylla bad kane ka pine Club ka la ïaid lynti mynta la kumba 2 bnai eiei ha kaba ki la don kumba 125 ngut ki dkhot na kylleng ki jaka.
