Ka ‘Arthsutra Samvad’- ka jinghikai ban tip ha ka liang pisa tyngka

Shillong, Nailar 03: Ka Bajaj Finance Ltd., kaba dei ka Non Banking Financial Company (NBFC) kaba heh tam ha India ha ki Private Sector, kaba dei ka bynta jong ka Bajaj Finserv, ka la pynlong ?a ka Financial Literacy Programme jong ka, kaba la ai kyrteng ‘Arthsutra Samvad’ ha nongbah Shillong, Meghalaya.
Kane prokram ha ka ri India baroh kawei ka thmu ban pynïasoh shuh shuh ïa ka kam pisa tyngka ha kylleng ki shnong bad ki jaka ba duna ki Bank bad ha ki jaka ba dang sahdien ha ka ri India.
?a ka ‘Arthsutra Samvad’, la pyntreikam hapoh ka jingthmu jong ka RBI na ka bynta ban kyntiew ïa ka jingnang jingstad bad jingtip shaphang ka pisa tyngka. Ka thmu ban pynsngewthuh shaphang ka jingpyn?aid ïa ka pisa, ki jingleh thok online bad ki rukom treikam kiba bha ha kaba pynïaid ïa ka pisa tyngka.
Ki ‘riewpawkhmat ba kynthup ïa u Dr. Utpal Kumar De, Professor, Department of Economics, North-Eastern Hill University (NEHU), u Pankaj Kumar Rasgania, Superintendent of Police, Cyber Meghalaya, Shillong bad ka Kong Lajiedlang Basaiawmoit, District Mission Manager na ka Meghalaya State Rural Livelihoods Society, East Khasi Hills, nalor kiwei pat ki la ïadonlang ban sakhi ha kane ka sngi.
Ka ‘Arthsutra Samvad’ jong ka Bajaj Finance ka dei ka prokram ba bniah ban kyntiew ïa ka jingpynsngewthuh ha ka liang ka pisa tyngka bad ka jingpynkupbor ha ki kyrdan ba sha trai ha kylleng ki jaka ba sha kyndong ka ri India. Ha ka tynrai jong ka, ka jingthmu ka long ban pynsuk ïa ka kam pisa tyngka na ka bynta ki briew shimet, ban ïarap ïa ki ban jied ïa ki jingtip da ka jingshaniah bad jingshai.
Lyngba ki jinghikai, ki jingïamir jingmut bad ki jingïakren hapdeng ki paidbah, ka prokram kan kynthup ïa ki phang kiba kongsan kum ka jingdonkam ban buh pisa bad kumno ban thawlad ïa ki jingkynshew pisa na ka bynta ki jingjia ba kyrkieh, ka jingsngewthuh ïa ki jingduna jong ka jingshim ram da ka jingkitkhlieh ban lait na ki jingshah teh ha ka ram bad ban ithuh bad kiar na ki jingleh thok ba ju jia ha ki briew ne lyngba ka online.
Nalor kata, yn pynshai ïa ki nongïashim bynta halor ka jinglong ryntih ha ka liang ka pisa tyngka, bad ban pynroi ïa ka jingtip ba donkam halor kumno ban kynshew pisa ban lait na ki jingeh ha ka jingim. Da kaba pynïasoh lang ïa ki jingtip ba lah ban leh bad ki jingjia bashisha, ka Arthsutra Samvad ka kyrmen ban pynmih ïa ka jingkylla kaba paka sha ka jinglong kaba sngewthuh ïa ka pisa tyngka bad ka jingpynkhreh na ka bynta ka lawei.
Hadien kane ka jingïalang ha Shillong, yn sa pynlong ïa ki jingpynsngewthuh paidbah ha kylleng ki shnong ha ka jylla Meghalaya.
Haba kren sha ki lad pathai khubor, u Dr. Utpal Kumar De, Professor, Department of Economics, North-Eastern Hill University (NEHU), u la ong, “Ki por barim ki la ïaid noh mynba ki briew kiba duk ne kiba kamai pdeng, khamtam ha ki jaka nongkyndong, ki ju buh ïa ka pisa ba ki la lum hapoh ki jingthiah ne ha ki thliew ba la buhrieh na ka bynta ka jingshngaiñ ne jingïada -kum kine ki rukom kim pynneh shuh ïa ka dor jong ka pisa. Ha ka juk digital mynta, ki jingshakri bank ki ai ki lad kiba shngaiñ bad kiba biang na ka bynta ban pynroi ïa ka jingïoh kaba la kamai shitom. Ban ïada ïa ka lawei jong ki na ki jingjia bym poi pyrkhat, ki briew ki dei ban ïoh ïa ki jingshakri insurance ba la ai da ki jaka ai pisa ba la ithuh da ka aiñ. Ka jingbuh pisa kaba biang ka long kaba donkam bha ban pynlut da ka jingstad bad ban pynthikna ïa ka lawei kaba bha ha ka liang ka pisa tyngka.”
Shuh shuh, ka jingnang jingstad ha ka liang ka pisa tyngka ka ai bor ïa ki briew shimet ban shim ïa ki rai kiba bniah, ban pynroi ïa ka spah shimet, bad ban noh synñiang kaba don jingmut sha ka jingroi ka ïoh ka kot jong ka Ri.
Kum shi bynta jong ka rukom treikam ba bun rukom, ka Arthsutra Samvad ka buh ruh ïa ka jingpynsngewthuh shaphang ka jingleh thok ha ka liang ka pisa tyngka. U Pankaj Kumar Rasgania, Superintendent of Police (SP) Cyber Meghalaya, Shillong, u la ong, “Ha ka juk ha kaba ka lad kamai pisa bad ka jingma ha ka digital ki ïaid ryngkat ryngkat, ka jingpynsngewthuh ka dei kaba khlaiñ bad donkam tam. Ki nongshong shnong ki dei ban long kiba husiar shwa ban ñion ïa ki link ne ban shim ïa ki App na ki tyllong ki bym lah ban tip, namar kine ki lah ban wanrah ïa ka jingpynkheiñ ïa ki aiñ bad ka jingduh nong ha ka liang ka pisa tyngka. Ki riewthok na ki lad internet kim salia ïano ïano ruh. Ka jingai jingtip ha ka por kaba biang lyngba ka laiñ jingïarap 1930, ka NCRP Portal, lane ki thanat pulit kiba don hajan ka long kaba donkam bha ha ki kynta ba donkam lane ‘Golden Hour.’
Ki nongleh thok ki shim kabu ïa ka jingbymtip ?a ka teknoloji bad ka jingkwah brai jong u briew, da kaba kular ban ïoh spah mardor ne pynbud kum ki heh sorkar ban tuh ïa ki jingtip kiba kongsan. To yn pynshisha ïa man la ka jingïadei digital, buh tang ïa ki App ki ba lah ban shaniah, bad ïada ïalade na ki jingshah kem, ki jingshah thok ha ka WhatsApp, bad ki jingleh thok ha ka jingbei tyngka. Ka jingnang jingstad shaphang ka pisa tyngka bad ka jingtip shaphang ka cyber kim dei tang ki jingda shim- ki dei ki mawjam jong ka ïoh ka kot kaba shngaiñ bad kaba roi. Ka jingpyntip. To sah ha ka jingshngaiñ.
Haba pynpaw ïa ka bynta ba kongsan jong ka jingpynsngewthuh ia ka pisa tyngka, ka Kong Lajiedlang Basaiawmoit, District Mission Manager na ka Meghalaya State Rural Livelihoods Society, East Khasi Hills, ka la ong, “Ki Livelihood Program ki ïarap ïa ki briew ban stad kumno ban pyntreikam ïa ka pisa. Ka hikai ban kynshew, mang tyngka bad pyndonkam ïa ki Bank bad Insurance ban shngaiñ ka lawei. Haba ki briew ki sngewthuh ïa ka kam pisa tyngka, ki lah ban ban jied bad kyntiew ïa ka jingshngaiñ ha ka jingim bad ki longïing jong ki.
Ïa ka prokram yn nang pynkhlaiñ shuh shuh lyngba ki jingialang ba kongsan ha Meghalaya bad kan kynthup ïa ki jingïalang ïamir jingmut, ki jingïakren da ki ‘riewshemphang, bad ki kam ba ïadei bad ka imlang sahlang, ba la shna khnang ban pynsuk ?a ki kam pisa tyngka bad ban pynshlur ban pule bniah halor ka pisa tyngka.
Ka Bajaj Finance ka shakri ïa ki 10.65 klur ngut ki briew ha kylleng ka ri India, lyngba ki 4,192 tylli ki jaka ha kylleng ka ri, ka App bad ka Web jong ka. Ka ai ïa ki ram bapher bapher, ki jingthep pisa, ki jingsiew, ki jingïada bad ki lad jingïarap ban bei tyngka kiba don ka jinglah ban kyntiew ïa ka jingbha jingmiat ha ka liang ka pisa tyngka bad ban pynbha ïa ka jingim jong ki briew.
Ka Bajaj Finance ka shimkhia ban shakri ïa ki bynta jong ki paidbah lyngba ka jingpynrung ïa ka pisa bad da kaba pyndonkam ïa ki kor ki bor kiba thymmai.
Haduh u snem mang tyngka 2025, ka Bajaj Finance ka la wanrah palat 26 million ngut ki nongthied ba thymmai ban shim ram ha ka rukom ai ram ba pura, kaba la pynlah ïa kiba bun na ki ban thied ïa ki ïing ba nyngkong, ki kali ar shaka ba nyngkong jong ki, ban bei tyngka ïa ka jingeh bad ban pynbha ïa ka jingim jong ki.
Ka kompeni ka don palat 7.5 klur ngut ki nongpyndonkam kiba treikam ha ka Bajaj Finserv App kumba 60.3 klur ngut ha ka website jong ka.
Ka Bajaj Pay, ka lad siew ka Bajaj Finance, ka la long ruh ka atiar ban kyntiew ïa ka jingïadon bynta lang ha ka liang ka pisa tyngka da kaba pynlong ïa ka jingpdiang ïa ki jingsiew UPI bad ban kyntiew ïa ki lad siew digital.
Palat 32 million ki nongthied ki don ïa ka wallet account ha ka Bajaj Finance bad palat 44.88 million ki pyndonkam UPI.
Kum shi bynta jong ka Bajaj Group kaba la dap 100 snem, ka Bajaj Finance ka thrang ban shakri ïa ka imlang sahlang. U Nongai-ktien na ka liang ka Bajaj Finance u la ong, “Ngi ngeit ba ka kam jong ki jingshakri pisa tyngka ka don ka jingthmu kaba kham heh – kata ban pynrung ha ki paidbah kiba duna ka jingshakri ban sngewthuh kham bha ïa ka rukom kynshew pisa. Kum ka jingpyrshang ban kyntiew ha ka rukom treikam pisa tyngka ha ka Ri India baroh kawei, ka don ka jingthmu ban ai ka jingshai sha ki nongshong shnong ha ka rukom pyndonkam pisa tyngka kaba paka.