Shillong, Naitung, 16: U Assistant Geologist ka Directorate of Mineral Resources (DMR) u la ujor da ka ejahar sha ki Pulit bam pyntip ba ha ka 20 tarik, Jylliew, 2025 ki trai dewiong ki la kit jubor 5297.4 metric ton u dewïong (ïa uba la kit bad lum thup da ki trai dewiong ban die lilam da ka Coal India Ltd.) na Depot-9 ha Kyllongmathei, West Khasi Hills.
Katkum ka khubor na ka Website ka tnat Pulit, la pyntip ba la kit ïa u dewiong khlem da ïoh jingbit na ki bor ba dei peit.
