Shillong, Jylliew, 11: U Jitendra Prasad u la shimti kum u Additional Director General (ADG) jong ka Eastern Sector ka Border Roads Organisation (BRO) ha ka jingïalang kaba la long ha BRO Eastern Sector Headquarters ha Lokhra, Guwahati ha ka sngi Baar. U Prasad u la shimti bujli na u Harendra Kumar, uba la shah pynkynriah kam sha ka BRO Headquarter ha New Delhi.
Ha ka jingïalang bad ki Engineer lem bad ki Ophisar hadien ka jingshimti kam, u Prasad u la pynpaw ka jingangnud ban pyndep noh ïa ki projek bapher bapher ba ladep sdang.
