Jowai, Jylliew 20: Ïa ka jingïalehkai pre Quarterfinal ha ka U-17 ki khynnah kynthei la pynlong ha ka 20 tarik ha madan Kiang Nangbah Stadium, Jowai.
Haba phai sha ka jingïalehkai ‘Pre Quarter’ jong ka kyrdan Under-17 ki khynnah kynthei la wan ban ïakhun nyngkong da ka Police Public SS kaba la jop da 1-0 kol ïa ka Govt Girls H/SS, ka Riwar Jaiñtia Church of God SS Amlarem da 3-2 kol ïa ka Adventist H/S School da ka Tie Breaker. Ka Kiang Nangbah H/S School ka la jop da 2-0 kol ïa ka Seiñ Raij H/S School.
Ka Little Flower H/S School Ummulong kala jop 3-2 kol ïa ka Pdengshakap SS, ka Lum Pyrtuh SS kala jop 5-4 kol ïa ka Achiever’s SS. Ka Moodymmai SS kala jop 2-1 ïa ka Jaiñtia H/S School, katba ka Jowai Govt. U.P RMSA School kala jop 4-2 kol ïa ka Ummulong Presbyterian H/S School da kaTie breaker.
