Shillong, Jylliew 18: U Myntri Rangbah ka jylla u Conrad K Sangma mynta ka sngi u la pyntip ba ïa ka met jong u shipai BSF u Satish Kumar Singh na Maudha, Ghaziabad ba khlad ha ka jingtwa khyndew ha Lalghat BoP la pynkit sha Bagli BoP.
U Myntri rangbah u la pyntip ba namar ka jingdkut lut ki surok ban wan na Bagli sha Shillong ïa ka met jong u shipai BSF ym lah ban wan kit sha Shillong, la pyntip u myntri rangbah mynta ka sngi.
Ha ka juh ka por na ka liang ki bor synshar district jong ka South West Khasi Hills District kila kyntu ïa ki paidbah ba kin nym mih kulmar ban leit ban wan namar ka jingtwa ki surok, bad ki lum ban lait na ki jingmynsaw la kyntu ïa ki paidbah ba kin ïaleh katba lah ban kiar ha kum kane ka por ba dang jur ka slap.
