Shillong, Ïaïong 18: Ka khubor ba la ïoh na ki pulit la ïathuh ba ka Ganga Basnet ka la phah ka jingujor ba ha ka nohphai sngi jong ka 15 tarik mynta u bnai ki runar bym lah ban ithuh ki la prong hapoh ka residential quarter jong ka kaba ha Nongrim Hills, Shillong bad ki la tuh ka ksiar, 2 tylli ki mobile phone bad kiwei ki tiar kiba shongdor kumba T. 2.2 lak.
Ha kawei pat ka jingjia u Bah Marshal Nonglait, Vice President bad u Bah Kromeior Rangjem, General Secretary, HNYM, CEC, ki la ujor lang ba ki runar bym lah ban ithuh ki la pynjah burom ïa ka seng jong ki da kaba kynnoh ba ka la lum pisa beaiñ ha ka kyrteng jong ka HNYM na Ïewduh, Shillong. Kitei kiba la ujor ki la ïathuh ba kitei ki receipt kam dei satia jong ka seng.
Shuh shuh ki pulit ki la ïathuh ba u Bah Ibanli Ryngsiat u la phah ka jingujor ba hapdeng ka mied jong ka 15 & 16 tarik mynta u bnai, ki runar bym lah ban ithuh ki la tuh ïa ka thuk thuk jong u kaba don u nombar ML-05AD-7817 napoh ka compound iingsah jong u kaba ha Lummawbah, Upper Shillong.
