Nongstoiñ, Ïaiong, 16: U Deputy Commissioner jong ka West Khasi Hills District, u Bah Garod L.S.N. Dykes, u la pynbna paidbah da ka jingpynmih hukum ba ka 18 tarik u Ïaiong 2025, kaba dei ka sngi Good Friday, yn ym shah ban die kyiad ha baroh kawei ka District.
Katkum ka bor ba la ai da ka kyndon 324-A jong ka Meghalaya Excise Act, 1945 (Assam Excise Act, 1945 kaba la pynkylla da ka jylla Meghalaya), u Deputy Commissioner u la hukum ba baroh ki dukan die kyiad IMFL “OFF”/“ON”, ki canteen, bad ki bonded warehouse, kin hap ban khang khyrdep ha katei ka sngi.
La kyntu ïa ki paidbah bad ki trai license ba kin bud ryntih ïa kane ka hukum. Ka jingïaleh pyrshah ïa kane kan pynngat ha ka jingpynshitom katkum ki kyndon jong ka Excise Act bad ki Rule kiba treikam hapoh jong kane ka Act.
