Jowai, Ïaïong 10: Ka kynhun ïalehkai kriket jong ka Lions Sports & Youth Affairs kala khur ïa ka jingjop ha kawei na ki jingïalehkai jong ka lympung District Cricket League 2025 bala pynïaid daka West Jaiñtia Hills District Cricket Association (WJHDCA) hynne ka sngi Palei (10 tarik u Ïaïong) ha Mini Stadium, Khliehtyrshi. Kane ka jingjop la pynthikna hadien ba ka la pynliem noh da 3 wickets ïa ka Mupliang S.C.
Ha kane jingïalehkai ka Mupliang S.C kala jop ïa ka jingkynting pisa bad kala jied ban tied nyngkong hynrei ka la shah khanglad ban kamai bun ron nad ïohlad ban kynjoh tang 88 ron naba hap baroh 10 wiket haka 24 overs na ki 35 overs ba la mang.
Haba wanphai ban tied, ka Lions S&YA ka la pyndep ïa ka kamram da kaba kamai tam ïa ka thong ba la buh, kata da 90 ron na bynta 7 wiket tang haka 15.3 overs.
U Deibormi Ranagd naka Lions S&Y.A ula kylla long u namtam bad khur ïaka khusnam man of the Match hadien ba la ïoh khur 2 wickets.
Ka jingïalehkai mynta ka sngi ka 11/04/2025 kan long hapdeng ka Mowkaiaw C.Y.C pyrshah ïaka Phramer C.C haka por 9 baje mynstep.
