Shillong, Jylliew, 15: Ka Kashari jong u Hon’ble Special Judge (NDPS Act), u N.A. Khan ha ka sngi Balang ka la pynngat ïa ki arngut ki nongkhaii drok ba la tip kyrteng kum u Sangte Paite bad u Lalmingliana hapoh ka Section 22(C) jong ka NDPS Act, 1985.
Katkum u kyrwoh ba la phah da u Superintendent of Police ka East Khasi Hills District u Bah Sylvester Nongtnger, la pyntip ba ha ka 22 tarik, Rymphang, 2013, ïa kine ki arngut kiba shong da ka thuk thuk ar shaka la bat da ki Pulit katba ki dang talasi ïa ki kali ha lad ka IIM Shillong, Nongthymmai.
Ha ka jingtalasi, ki Pulit ki la ïoh kurup 2178.72 gram u dawai Psychotropic Drugs uba kyrteng u Spasmo Proxyvon.
Ki Pulit ki la rejister ïa ka case ha Rynjah Police Station bad pyngat hapoh ka Section 22 jong ka NDPS Act bad ïa ka jingtohkit la pynlong da u Sub-Inspector barim u Simseng A. Sangma uba peit ïa ka Anti Narcotic Task Force (ANTF), East Khasi Hills.
Ïa kine ki arngut ki nongkhaii drok la tian bishar ha Kashari jong u Special Judge, NDPS bad ïa ka Case la pynngat kyndon ha ka 30 tarik, Ïaiong, 2013.
