Jowai, Jylliew 14: Ka jingïalehkai phutbol jong ki khynnah skul ne ka ‘Inter School Subroto Cup Football Tournament- 2022’ bala pynïaid da ka ophis u District Sports Officer West Jaiñtia Hills District, Jowai kala la long ha ka 14 tarik ha madan Kiang Nangbah Stadium, Jowai.
Haba phai sha ka jingïalehkai jong ka kyrdan Under-17 ki khynnah shynrang la wan ban ïakhun nyngkong da ka Govt. Boys H/S School kaba jop da 4-0 kol ïa ka Adventist Higher SS bad ka North Liberty Higher SS ka la jop da 5-0 kol ïa ka Sawlyngdoh H/S School Mowkaiaw.
Ka Amwi Jaraiñ H/S School ka la jop da 3-1 kol ïa ka St. Claret Secondary School. Ka Marian Hill H/S School kala jop 3-0 kol ïa ka Lumpyrtuh Secondary School, katba ka Ummulong Presbyterian H/S School kala pynliem ïa ka Ialong Secondary School da 2-0 kol.
