Shillong, Rymphang 17: Ka Hynñiewtrep Integrated Territorial Organisation (HITO) ka la phah ka jingujor pyrshah ïa ki nongtrei ka National People’s Party (NPP) halor ka jingkynnoh ba ki la ïalam bakla ïa ki paidbah ha kaba ïadei bad ka PMAY-G scheme bad ba ki la pynkheiñ ïa ka model code of conduct (MCC).
Ha ka shithi ba la phah sha u chief electoral officer (CEO) u Dr BDR Tiwari ha ka sngi nyngkong, u President ka HITO u Bah Donbok Dkhar u la ong, “Ngi kwah ban pynpaw ïa ka jingsngewkhia kaba jur ïa ka seng National People’s Party (NPP) bad ki nongtrei jong ka ha West Jaiñtia Hills district. Ngi la ïohi ba ki la ïalam bakla ïa ki paidbah ha kaba ïadei bad kane ka skhim ka Pradhan Mantri Awas Yojana – Gramin (PMAY-G) scheme.”
“Ki jingshai ki la mih ba kine ki nongtrei ka party ki la ïalam bakla ïa ki paidbah ha kaba ïadei bad ka jingpyntreikam ïa ka PMAY-G scheme kaba donkam ban ïoh ka jingmynjur na ki MLA.”
