Nongstoiñ, Rymphang 13: U District Magistrate ka West Khasi Hills bah Garod LSN Dykes IAS, u la pynjari da ka kyndon aiñ 163 BNSS, kaba khang pyrshah ïa baroh ki election campaign, ka jinglum paidbah, pyndonkam ia ki loud speaker, ka jingsam ia ki kot lyngkdop ne pamphlet, ka jingpynieng ïa ki lama ki banners bad kiwei kiwei 200 meters na ki polling booth, ka jingplie ïa ki ophis party 200 meters na ki polling booth, ban pynlong public meeting ne procession, ban rah suloi ne ïa ki tiar pynmynsaw, pynlong kino kino ki jingpyntieng ïa ki nongthep vote ne ki paidbah, ka jingïalum briew kaba palat ïa ka 5 ngut ha ka juh ka jaka, ka jingdon jong ki political party ne nongkyrshan kiba nabar ka constituency.
Ki kyrtong ki lah ban leit rung ïing ha ki 48 kynta shwa ban khang ka jingthep vote. Kane ka hukum kan treikam mardor ha baroh kawei ka District naduh ka 4.00 PM janmiet jong ka 19 tarik u Rymphang, 2025 haduh ban da kut ka Election.
