Mih synran lang ki nongkyrshan ïala ki jong ki kyrtong MDC ha ka sngi ‘Scrutiny’ ha Jowai

Jowai, Rymphang 3: Ki nongkyrshan jong ki kyrtong bapher bapher ki ban ïakhun ïaka Election MDC sha JHADC, mynta ka sngi 3 tarik u Rymphang kila mih paidbah ban leit synran bad ap ïa ki kyrtong (Candidates) haduh ban ka kut ka jing jurip (Scrutiny) ïa ki kot ki sla jong ki bad kila rai ïakhun beit ha madan na ka bynta kane ka Election MDC.
La sakhi mynta ka sngi ki bynta jong u surok Iawmusiang hajan ka ophis DC Jowai kila dap smam da ki paidbah nongkyrshan kiba wan ha ryngkat ki jingrisa ka jingshad bad ka jingkaweh ïala ki jong ki lama na ki party bapher bapher.
Ha kane ka jingjurip ïa ka kot ki sla (Scrutiny) da ki Returning Officer kala long kaba ïaidbeit ïaidryntih khlem don kino kino ki jingshah ujor, baroh ki kyrtong ki ban ïakhun na ki Constituency kila wan ban pynshisha ïalade halor miej ban rai ïakhun beit ha madan haka 21 tarik u Rymphang 2025.
Katkum ka jingïoh jingkheiñ ki don hadoh 73 ngut ki kyrtong kiba wan thep kyrteng ha ki ar tylli ki jaka kata ha DC ophis Jowai bad kumjuh ha Amlarem Sub-Division, kine ki kynthup 19 ngut na ka NPP, 19 ngut na ka VPP, 12 ngut na ka INC, 11 ngut na ka UDP, 2 ngut na ka BJP bad 10 ngut kum ki kyrtong shimet.
Kine ki kyrtong ki kynthup 1. War-East: NPP- Wonly L. Chyrmang, VPP- Isaak Shylla, UDP-Medling M Swer. Na ka 2. War-Central: NPP- Holando Lamin, VPP- Jamshaphrang Pohtam, INC- Romeo Lyngdoh, UDP- Kat Kassar. Na ka 3. War-West: NPP- Het Pohthmi, VPP- Batskhem Hayong, UDP- Shlur Lamin, IND- Treiborlang R Suchen, IND- Blon Singh Hayong. Na ka 4. Amwi-Khliehtyrshi: VPP- Dr. Samely Shylla, NPP- Lakhon Dkhar, INC-Madonbai Rymbai, BJP- Ping Khynriam, IND- Heihoklang Suting.
Na ka 5. Mukhla-Ummulong: NPP-Ailad Bhoi, VPP- Nahimaiah Lamare, INC- Bitos Sari, IND- Wendolin Shullai. Na ka 6. Moodymmai-Nongkhroh: NPP- Jesse Suiam, VPP- Closroy Laloo, INC- Johna Rynjah. 7. Nartiang-Wahiajer: NPP- Reformson Lamare, VPP- Yoowanmi Myria, INC- Katbanbiang Lamare, UDP- Rimilanki Synnah, IND- Hermon Phawa. Na ka 8. Moodop-Umladang: NPP- Thombor Shiwat, VPP-Chanbor Rymbai. Na ka 9. Mynso-Nongjngi: NPP- Evening Star Teron, VPP- Laiawanlang Jinghun Khynriam, INC- Richard Sing Lyngdoh, IND- Carebasius Pasi.
Na ka 10. Mynsngat-Khanduli: NPP- Pheiñshwa Nangleiñ, VPP- Darapbiang Mulieh, UDP- Damian S. War. Na ka 11. Shilliang Myntang: NPP- Rudaioo Tang, VPP-Daeimi Liam, UDP- Eleazer C. Dkhar. Na ka 12. Barato-Mukroh: NPP-Aiborlang Shadap, VPP-Sarlangki Dkhar, INC-Banikas Laban, UDP- Rioo Sten. Na ka 13. Saphai-Sahsniang: NPP- Remdorkupar Lyngdoh, VPP- Thiyo Lapadsam, INC- Rikut Parein, UDP- Fernando Sumer. Na ka 14. Mowkaiaw: NPP- Warmanship Shadap, VPP-Rimiki Niang, INC-Pynbiangmi Laloo, UDP- Winning Garland Sungoh, IND-Niawbait Ymbon. Na ka 15. Raliang: NPP- Bison Ray Iano, VPP- T.Z Dkhar, INC- Welpard Suchiang.
Na ka 16. Shangpung: NPP- Mihnyngkong Sutnga, VPP- Hame Shaniah Suiam, INC- J. Treilang Suchiang. Na ka 17. Nangbah–Mihmyntdu: NPP-Tellme Phawa, VPP- Cresentus Susngi, UDP- Meiowan Pasi, IND- Brightstar Chyrmang. Na ka 18. Jowai-North: NPP- Dr. D.I Kjam, VPP-Awhai Andrew Shullai, UDP- Marki Mulieh, IND-Khroo Lamsalanki Pariat. Na ka 19. Jowai-South: NPP- K Dikyl Singh Phawa, VPP- Iaibatlang Talang, INC- Saron Paswet, BJP- Heimonmitre Phawa, IND- Moonlight Pariat.