La pynbna ïa ki kyrteng jong ki kyrtong na ki shiphew tylli ki constituency kiba na EJHD ki ban ïakhun ïa ka MDC election sha JHADC

Khliehriat rymphang 3 : Ha ka jingbishar ïa ki kot ki sla jong baroh kiba la wan ban thep kyrteng ha u Returning Officer ha ophis u Deputy Commissioner East Jaiñtia Hills District ha Khliehriat, na ka bynta ban iakhun ïa ka MCD election sha ka Jaiñtia Hills Autonomous District Council, la pynbna ïa ki kyrteng jong ki kyrtong kiba la shah jied.
Ki kyrtong kiba na ka 20 Muthlong Sohkymphor Constituency, ki kynthup u bah Lomris Lyngdoh na ka party UDP, u bah Manbha Lyngdoh na ka party BJP, u bah Soki Lapasam na ka party Voice of the People’s Party, u bah Wanbiang Shadap na ka party NPP, u bah Yookini Phawa na ka Indian National Congress, u bah Yoowanphi Lyngdoh, u kyrtong shimet ne Independent Candidate.
Ki kyrtong ki ban ïakhun na ka 21 Tuber Wapungshnong Constituency, ki kynthup u bah Delmon Phawa na ka VPP, u bah Lasky Rymbai na ka party UDP, u bah Met Shylla na ka party NPP.
Ki ban iakhun na ka Rymbai Khliehriat Constituency pat ki kynhthup u bah Fineliness Bareh na ka party UDP, u bah Tyngshainlang Phawa na ka VPP, u bah Opaya Lyngdoh kum u kyrtong shimet ne Independent Candidate bad ka kong Violet Lyngdoh kum ka kyrtong shimet ne ka Independent Candidate.
Na ka 25 Sutnga Nongkhlieh Constituency, ki ban ïakhun ki kynthup u bah Hamertus Nongtdu na ka party NPP, ka kong Lastborn Soul Sympli, na ka party VPP, u bah Nehlangki Pala na ka party HDPDP, u bah Seril Suja na ka Indian National Congress.
Na ka 27 Saipung Nongkhlieh Constituency, ki ban iakhun ki kynthup u bah Arbor Hima Darnei na ka party NPP, u bah Lalwillama Theite na ka Indian National Congress, u bah Prince Sukhlaiñ na ka party VPP.
Ki kyrtong ki ban iakhun na ka 22 Musniang Rangad Constituency, ki kynthup u bah Damewanhi Rymbai na ka party VPP, u bah Wailadmewshwa Siangshai na ka party UDP, u bah Phasmon Dkhar na ka party NPP, u bah Brosent Siangshai na ka Indian National Congress bad u bah Shanbor Rymbai na ka party BJP.
Na ka 29- Bataw Lakadong Constituency, ki kyrtong ban ïakhun ki kynthup u bah u bah Joinriwell Pyrtuh, na ka party UDP, u bah Marshall Biam, kum u kyrtong shimet , u bah Jiki Lakhi na ka party BJP, bah Levenson suchiang na ka VPP.
Na ka 28 Narpuh Constituency pat ki ban iakhun ki kynthup i kong Deiwi Tongper na ka party VPP, u bah Desous Pohshna, kum u kyrtong shi met ne Independent Candidate, u bah Grimlang Dkhar na ka Indian National Congress, u bah Daiapherbha Lamare na ka party NPP, bah Wanshwa Nongtdu na ka HSPDP, u bah Stanley Lamin kum u Independent Candidate.
Na ka 24- Sutnga Narwan ki kyrtong ban ïakhun ki kynthup, ka kong Empress Pala na ka party Indian National Congress, u bah Lamsuk Langstang na ka VPP, bah Rollingson Dkhar na ka party UDP, u bah Seiborlang Shadap na ka NPP.
Na ka 26 Sumer Constituency pat u bah Bashan Tangliang na ka party Indian National Congress, u bah Dakheinkor Tangliang na ka VPP bad u bah Krison Langstang na ka party NPP.