Nongstoiñ, Rymphang 03: U samla Michael Thongni u ba long u heh duh jong ka NeIPS Nongstoiñ, hynne ka sngi u la ïoh ban pyndep ïa ka jingleit thep kyrteng kum u kyrtong shimet. Ka jingleit thep kyrteng ka la long hakhmat u returning officer jong ka 27 Nongstoiñ District Council Constituency.
U Bah Michael Thongni kum ban shu pynkynmaw u la long u dkhot jong ka seng HSPDP kum u General Secretary. Hynrei ha kine ki khyndiat por u la rung noh sha ka Voice Peoples Party. Hynrei mynta pat u la ïakhun noh kum u kyrtong shimet.
Haba ïoh ban ïakren bad ki nongthoh khubor ban pyntip ïa ka shap kaba u ïoh ban pynpaw sha ki paidbah ïa kaba la ai da ka election commission, utei u samla rangbah u la ong ba ka shap jong u ka dei ka Sngi.
Ka jingmih madan jong u ban ïakhun ha kane ka kynti ka long ba un ïoh ïa ka bor jong u khulom, khnang ba un nang lah ban leh ei ei shuh shuh ïa ka thaiñ lyngba u khulom u ba nep kumba u la leh baroh shi katta kum u samla. Ïa utei u kyrtong la synran lang ryngkat ka kurim ki kmie ki kpa bad kiwei kiwei.
