Nongpoh, K’Lyngkot, 30: San ngut ki kyrtong ïakhun elekshon MDC jong ka seng Congress bad ar ngut ki kyrtong jong ka NPP ha ka sngi Palei ki la pyndep ïa ka jingthep kyrteng na ka bynta ka elekshon sha ka iingdorbar jong ka KHADC ka ban long ha ka 21 tarik Rymphang.
Ki san ngut ki kyrtong ka seng Congress ki kynthup ïa u Bah Micky Douglas Syiem na Umroi Constituency, Bah Dominic Mynsong na Mawhati Constituency, Bah Rocky A Marweiñ na Umsning Constituency, Bah Lawrence Nongrum na Nongpoh Constituency bad u Bah Victor Ranee na Jirang Constituency.
Katba ki ar ngut ki kyrtong NPP ba la thep kyrteng ki kynthup ïa u Bah Rangkynsai Kharbuki na Umroi Constituency bad u Bah Joplin Sten na Mawhati Constituency.
Kumba long haduh mynta ki kyrtong na Ri-Bhoi District ba la pyndep ïa ka jingthep kyrteng ki long 12 ngut ba kynthup san ngut na ka VPP bad san na ka Congress, ar ngut na ka NPP.
