Shillong, K’ Lyngkot 30: Ka kynhun Myntri jong ka sorkar jylla ha ka sngi palei ka la mynjur ban thung ïa u Col Daryl Hopkins ba la shongthait kum u Director of Sainik Welfare Meghalaya (SWM).
Haba ïathuh ïa kane hadien ka jingïalang ka kynhun Myntri u Myntri Rangbah ka jylla u Conrad K Sangma u la ong ba ka selection committee ba la khlieh da u chief secretary ka sorkar jylla u Bah DP Wahlang ka la mynjur ïa ka kyrteng jong u Col Daryl Hopkins ba la shongthait na ki saw tylli ki application.
Katkum ka jingong jong u, u Col Hopkins u la long uba la rim tam ha ka kam napdeng ki sawngut kiba la don hapoh ka thup kyrteng.
