Ka jingbym donkam don jam, bym biang kamai kajih, ka ïoh ka kot ynda la kynjoh ka rta 50-60 khlieh ka lah ban kyntiew ïa ka jingma kaba ktah ïa ka bor pyrkhat pyrdaiñ bad ka jingpang klongsnam ne ‘heart-attack’ kumba long ka jingkyndit ïa kano kano ka jingjia ba sngewsih ba kyndit kynsan. Ka jingwad bniah halor kane la shim nongmuna bad pynshong nongrim palat 13,000 ngut hapoh US bad ka kdew ba ka jingma na ka heart attack ka don jingiasnoh kumba shipawa ha ka snem na ka jingkiew kane ka jingpng ha kito kiba jur ka bor pyrkhat pyrdain bym donkam donjam bym biang ka kamai kajih ha ka rta ba la iaw bad kynjoh ia ka rta 50-60 snem shaneng lane ka jingbym biang ka kam ka jam hadien ba ki la kynjoh sha kane ka rta shongthait na ka kam sorkar. Hynrei kane ka kham niar ban lap bad shem ha kito kiba shongthait da ka mon sngewbha na kano kano ka kam sorkar kiba ha kajuh ka thup rta, ong ka kaiphod wadbniah jong ka kynhun Archives of Internal Medicine.
Ki stad ka koit ka khiah ki ngeit ba kane kane baroh ka mih na ka daw ka jingbun jingmut jingpyrkhat. Ka jingwad bniah ka pynthikna ba kiwei kiwei ki kam ba khia bad ka jingbun jingmut jingpyrkhat ka lah ban kyntiew ïa ka jingma na ka jingpang klongsnam ne heart attack. Ka jingwad ka kdew ruh ba ka jingtrei kaba khia hapdeng ka jingbun jingmut jingpyrkhat ha kajuh ka rukom ka kyntiew ïa ka jingma na ka jingioh pang heart attack.
Ka British Heart Foundation ka la ai jingmut ba kane ka jingbun jingmut jingpyrkhat halade kam dei ka daw ba kongsan jong ka jingpang klongsnam. Ha ka jingwad bniah ba mynta, kaba la neh jan 20 snem, ki don palat 1,000 ngut kiba ioh shahktah heart attack napdeng ki 13,451 ngut ki nongmuna na bynta ka jingwadbniah. Ki stad wad bniah ki la bishar bha ha kiba kum kino ki briew ba kine ki jingjia ki wan jia ha ki. Kito ki shynrang bad kynthei ba ïashim bynta ha kane ka jingwad bniah kiba dih duma, kiba sngaid palat pud bad kiba leh tang khyndiat ka jingkilanmet ki long kiba kham thikna ka jingktah heart attack napdeng kito kiba don hak thup ba la noh rta bymbiang ka ka kam ka jam bad ka kamai kajih bad kane ka kyntiew ruh sha ka ktah ka high blood pressure lane jingpang shini.
