Shillong Nohprah 22: Ka St Joseph’s Church Mawkhar Parish ha ka Sngi U Blei ka la pynlong ïa ka jingïaid christmas carol kumba ju pynlong manla u snem.
Ïa kane ka jingïaid Carol kaba la lam khmat ruh da ka Lamjingshai Choir, ka Seng samla parish bad kymjuh ruh na ka liang ka Parish baroh kawei ki la ïoh ka lad ban pynlong biang ïa kane ka prokram christmas carol kumba ju long manla u snem.
Ha kane ka jingïaid Carol kaba la sdang na phyllaw Ïingmane jong ka Parish bad kaba la ïaid na Riatsamthiah, kiew sha Ïing Syiem Hima Mylliem bad ba la pynkut biang hapoh phyllaw Ïingmane, kane ka jingïaid Carol ka la long kaba shitrhem bha ha kaba bun na ki riewngeit ki la shimbynta ha kane ka jingiaid Carol.
La ïohi ruh ba ha kane ka christmas carol la shim bynta da u Parish Priest u Rev. Fr Teibor Lyngdoh, bad kiwei kiwei kiba la pynkhreh ban pynlong ïa kane ka prokram kaba ïaid beit ïaid ryntih.
Hadien ba la dep ban pynlong ïa ka jingïaid Carol ka la don pat ka prokram kaba pynshongshit ïa kane ka sngi lyngba ki jingrwai, ki jingshad bad kiwei kiwei ki prokram ban pynshong shit ïa kane ka sngi.
