Shillong, Risaw 19: Ka tnad sam um jong ka sorkar jylla ka la pynpur ïa ki pipe um ha kylleng ki bynta jong ka shnong Nongmynsong ba kynthup ruh ïa ki dong bapher bapher bad kane ka la wanrah ïa ka jingkhmih lynti ïa ki nongshong shnong ban ïoh ïa ka um na ka tnad PHE.
Kaba pynlyngoh ïa ki paidbah nongshong shnong ka Nongmynsong ha kawei na ki dong ka Umkdait ha kaba ka PHE kala dep ban pynpur ïa ki pipe um hynrei kaba pynlyngoh ka long ba khlem pynïasoh ïa ki pipe um tang khyndiat ruh.
Ïa u pipe um ba na ka bynta ba shaneng ha ka lynti shnong la ïohi ba ka PHE ka la set noh ïa u bad teh bha katba ïa u pipe um ba na sharum uba dei u rong jyrngam pat khlem teh bad kine ki pipe um la slem ki la shu ieh.
Kane ka jingieh jong ka PHE ban pynïasoh ïa ar tylli ki pipe um ka la buh ka jingkylli hato ka PHE ka la bakla ha kaba pynïasoh ïa ki pipe um ban thmu ban ai um ha katei ka dong Umkdait kane ka pynlongoh ïa ki paidbah.
