Shillong, Risaw 15: U Coy Commander, D-Coy, jong ka 4th Bn., BSF, BOP Naljuri u la phah ka jingujor ba ha ka 9 tarik mynta u bnai ha ka por kumba 6.15 baje mynmiet, ki shipai BSF ki lap ïa 5 tylli ki masi napoh ka jaka kaba hajan BP No. 1279/5-S kaba ha West Jaiñtia Hills (WJH), kiba la thmu ban shalan beaiñ sha Bangladesh.
Ha kawei pat ka jingjia ki pulit ki la ïathuh ba u Coy-Commander, G-Coy, ka 100th Bn., BSF, BOP Kuludhar ka West Garo Hills (WGH), u la phah ka jingujor ba ha ka 10 tarik mynta u bnai ha ka por 5.30 baje janmiet, ki shipai BSF ki la ïoh bat ïa uwei u Bangladesh uba kyrteng u Md. Robiul Islam @ Robin Khondokar ba la 32 snem ka rta najan kawei ka khlaw kaba hajan khappud Indo-Bangladesh, kaba ha AOR jong ka BOP Chichengpara bad ki la lap ruh ka pisa kumba T. 10,000/- hajar, artylli ki mobile phone bad ka ID Bangla na utei uba la shah bat. Shuh shuh ki pulit ki la ïathuh ba ka Rangme K Marak ka la ujor ba ha ka 9 tarik mynta u bnai, ki runar bym lah ban ithuh ki la tuh ïa ka scooter jong ka, kaba don u nombar ML-13A-3866 napoh ka shnong Mendipathar, North Garo Hills (NGH).
