Palat ïa lai pawa na ki nong Britain, kim lah ban ithuh bad sngewsuh ïa ki dak ki shin jingsdang hsah ktah ka bampong sniehdoh lane skin cancer, ong ki riew wad jingtip bniah jong ka British Association of Dermatologists (BAD) haba shim kyllum lang ia ka kaiphod halor kane ka jingpan. Kane ka jingpang bampong sniehdoh ka la shim kumba 2,100 ki mynsiem ba kondordor ha ka shi snem kyllum lang ha UK baroh kawei bad ka daw ka long ba briew kiba shah ktah ha kane ka jingpang kim sngewthuh bad kim don jingtip ïa ki dak ki shin naduh kaba sdang bad poi haduh u pdu ba ka jingpang ka la jur bha bad ki lad jingsumar ki la kynduh jingseh ban pynkhiah. Ka BAD ka la ong, 95% na ki briew ba ka la jingjurip bniah (survey) shaphang kane ka jingpang, ka la nang kylla long kaba kynrei bha bad shem ba bun kim tip ne sngewthuh ïa ki dak ki shin jingktah kaneka skin cancer na ka jingthang ka sngi bad jingprum ha ka niehdoh. La lum jingtip na ki nuska ba 1,018 ngut ha ka aiom lyiur ba la lah la pynmih ha ka Sun Awareness Week. Ka jingthmu jong ka Awareness ka long ban ai jinghikai ïa ki paidbah kumno ban bishar ne khmih bniah ia ki dak ki shin kiba iadei bad ka jingktah ka sniehdoh kaba ïalam sha ka bampong sniehdoh (skin cancer). Ka jingbun kiba shah ktah jigpang bampong sniehduh ha UK ka la nang kiew ha ki snem 1960 shaneng.
Ka kaiphot jong ka BAD ka kdew, 250,000 tylli ki jingjia bathymmai ki dak jingshah ktah ka jingpang skin cancer bad ka bym dei ka jingpang ‘Melanoma’ ka long jait jingpang skin cancer ba kynrei bha ba la lap man la u snem bad kumba 13,000 tylli ki jingjia ba shah ktah ka skin cancer melanoma ha ka shi snem. Kaneka long ka jait jingpang bampong sniehdoh ba shyrkhei tam. Ka jingwad bniah ka jingmut ba 85% na kiba khuslai jingmut shaphang kane ka jingktah sniehdoh sha ka bampong sniehdoh ka don jingïadei naka jingthang kyrang ka sngi bad jingjhih na ka jingprum kaba pud bad ngam sha ka sniehdoh. Kumba 40% kiba don jingmang ka sniehdoh kiba kim ju leit phah peit ne phah khmih bniah ha ki doktor ia ki dak ki snoh jingktah jong ki ia ka sniehdoh, 77% kim sngew don jingshaniah ba ki lah ban ithuh ïa ki dak ki shin jong ka Melanoma bad kumba 81% ki sngew ba ki lah ban ithuh ïa ki dak ki shin ba ktah ka skin cancer ka bym dei ka Melanoma.
U Dr Walayat Hussain, u la ong, “ka jinglap kloi ia ka jingpang skin cancer ka long kaba donkam haduh katta katta”. Ka jingma na ka jingpang Skin Cancer ka dei ka ‘Melanoma’. Kane ka jingpang skin cancer ka kham ma haduh katta katta ïa ka sniehdoh. U Jonathon Major jong ka BAD u la ong, ka long kaba pynlyngngoh ba 72% na ki briew ba la jurip ki ong ba ki la mad ïa ka jingthang ka sngi ïa ka sniehdoh ha ki snem ba la lah bad kane ka paw ba kim sngewthuh bad kim tip ïa ki dak ki shin jingsdang ka jingktah kane ka jingpang bampong sniehdoh.
