Ki don napdeng ki katto katne jait ki jingbam ba bun bha ka Nutrient kiba bamlang ha kajuh ka por ha ka por bam ne kita ki jhur bamim. Ki dei jait jingthung kiba ai jingmyntoi shibun ïa ka koit ka khiah, ki die ki jingbam kiba tei met bad ju pyndokam ban bam lang ha ka por ki long kiba kongsan ka Nutrient na bynta ka koit ka khiah.
Ka jingkynthup lang ki jingbam ba dei ym tang ba ka lah ban pynjur halor ka jingkjit ki nutrient hynrei ka pynjanai bad aibor ruh halor ka jinglah ka met ban ïakhun pyrshah kiba bun jait ki jingpang.
Napdeng ki jingbam ba ban bam lang ha ka por bam ki long kum u Broccoli bad sohsaw. U Sohsaw u bun bha ka Antioxidant ba la tip kum ka Lycopene katba u Broccoli pat u don ïa ka Phytonutrient ba ju tip tuh ka Sulfora-phane.
U Sohsaw bad u Broco-coli ki don ka bor balah ban ïada na ka jingpang bampong khamtam ha ki prostate. Kine baroh ar ki don ia ka Nutrient bad kan kham khlain shuh shuh ka Nutrient lada shet ïa ki. Kine ki jingbam baroh ar ki tei ka bor met.
Ka sha jyrngam (Green tea) bad sohjew: Ka Green tea, khlem artatien ka dei kaba dap da ka jingdon ki antioxidant kiba ai jingmyntoi shibun ha ka liang ka koit ka khiah kum ka catechin. Ka antioxidant kaba don ha kane ka sha ka dei kaba aibor kumba san haduh shiphew sha lada khleh lang khyndiaat ka um sohjew. Ka jingdon ka Vitamin C ha u sohjew kaba ïahap bha bad ka Catechin kaba don ha ka sla sha jong ka sha jyrngam. Kane ka dei kaba lah ban kyntiew ka bor met, bad ïada na ka jingshah ktah halor ka jingnoh kynsan kloi ka met bad lah ban ïakhun pyrshah kiba bunjait ki jingpang bampong.
U shynrai bad sohmarit: Ka bioactive ba thaw bad pynlong ïa u shynrai ka dei ka curcumin kaba long kawei napdeng ki antioxidant kaba khlaiñbor bha. Ym tang ba ka lah ban ïakhun pyrshah ka jinglong tyrha hynrei ka dei kaba lah ruh ban ïakhun pyrshah ka jingpang bampong. Ka bioactive compound kaba don ha u sohmarit ka dei kaba la tip kum ka piperine. Lada khleh lang kine baroh ar, ka piperine ka ïarap bad aibor halor pyrshah ka bampong.
U dai bad ja: Kawei napdeng ki jingbakla ba kiba bun ki pdiang ka dei ka jingkdew ba ka jingjied ban bam da ki jhur bad kiar na ka bam doh ka dei kaba sakhi ka jingduna ban don ka protein. Ban biang ka protein ha ka met, donkam ban kynthup baroh ki 9 jait ki amino acid kiba ka met kam lah satia ban thaw bad pynmih hi dalade bad ba phi lah ban pynbiang ka protein ha ka met watla phi kiar na ka jingbam doh.
Ka jingbam khleh lang hapdeng ka ja bad ki jingbam symbai shyieng wat lada phi dei napdeng kito kiba kiar ban bam doh ka dei kaba lah ban pynbiang ki jingdonkam ka protein ha ka met. Ka ja ka don ïa ka sulfur-containing amino acids-cysteine bad methionine, hynrei ka duna ha ka Lysine katba u dai pat u duna ka Cysteine bad methionine, hynrei u bun bha ka lysine. Kumta ka jingkynthup lang kine baroh ar ka dei kaba lah biang ban pyndap ka jingdonkam ka protein ha ka met.
Ki jhur bad umphniang ne ki soh ba eh snep: Khyndiat ka umphniang kaba khleh ha ki soh eh ka snep ba khleh lang bad ki jhur ka dei ka lynti kaba bha tam halor ka jingpynrung ki vitamin na ki jhur ba phi bam. khyndiat ka fat kaba tei ka dei kaba lah ban pynjur ka jingkjit ki nutrient kum ka alpha bad ka beta carotene, lutein, bad ka lycopene ha kajuh ka por ruh ka pynjur ka jingkjit ka Vitamin E, A, bad K.
Kumta phi lah ban khleh lang khyndiat ka umphniang olib ha ki jhur bam im bad ber lang ki soh ehsnep kiba lah ban pynthikna bad ai jingmyntoi shibun ha ka liang ka koit ka khiah bad ka jinglah ban kjit ki fat soluble vitamin na ki jhur.
