Shillong, Jylliew 02: Ka Cricket Lovers, Sohra kadei ka team ba nyngkong ban ïoh rung sha ka final jong ka lympung ïalehkai cricket ba la tip kum ka District League T20 Cricket Tournament 2022 ba pynïaid da ka East Khasi Hills Cricket Association (EKHCA). Kane ka la wan hadien ba ka la pynliem noh da hynriew wicket ha ka jingïakhun semi-final pyrshah ïa ka Friends united CC ha ka sngi Palei.
Haba phai sha ka jingïakhun hapdeng kine ki ar tylli ki team, ka Friends United CC kaba la jop ïa ka jingkynting pisa ka la kam ban tied nyngkong bad ka kamai 122 ron duh noh 10 wicket ha ki 17.2 over. U Nangkiew kor Moore u kamai bun ron marwei da 43 ron ha ki 35 bol katba kiba la khur wicket na bynta ka Cricket Lovers Sohra ki long u Rahul Prem Rai u khur 3 wicket ai kamai 25 ron ha ki 4 over bad u Mehraf Sarkar u khur 3 wicket ai kamai 24 ron ha ki 3 over.
Haba wan beh ïa katei ka ron, ka Cricket Lovers ka la lah ban tied bha bad kynjoh sha ka thong ha ki 19 over da kaba kamai 124 ron duh noh tang saw wicket. U Rohit Kumar Yadav u kamai 49 ron na ki 50 ron bad u Winning Star Khongjoh u kamai 25 ron na ki 19 bol.
U Ernestin Swer jong ka Friends United u ïoh 1 wicket ai kamai 17 ron ha ki 4 over bad ïa ka nam Player of the Match la ïoh da u Rahul Prem Rai.
