Shillong, Nailur 14: Ka ophis District Magistrate, East Khasi Hills, ka la pynmih ïa ka jingpynbna bad ka jingpynkynmaw ïa baroh ki nongshong shnong jong ka District shaphang ka jingdonkam ban bud ïa ki kyndon haba ïadei bad ka jingkwah ba kin ting ne jied kaba dei ban ïaid katkum ka Adoption Regulation, 2022. Katkum ka kyndon, baroh ki jait jingjied dei ban ai sha ka ophis District Magistrate, Specialized Adoption Agency bad ka District Child Protection Officer (DCPO).
Ka long kaba donkam ban pyntip ba kano kano ka jingjied ne ting kaba la leh khlem ka jingïoh ïa ka official Adoption Order na ka District Magistrate kaba long katkum ka Adoption Regulation, 2022 yn kheiñ ba ka long kaba beaiñ bad kaba ym lah ban pdiang.
Na ka bynta ki jingtip kiba kham bniah ne ki lad jingïarap ha kaba ïadei bad kane ka kam lah ban ïoh na ka ophis District Magistrate bad ka District Child Protection Officer.
