Jowai, Nailur 14: Ki ar tylli ki seng kiba peit ia ka bha ka miat ki Driver truck bad ki trai trok, ka Jaiñtia Hills Truck Owners’ Association (JHTOA) bad ka All Jaiñtia Cement and Clinker Transporters’ Association (AJTCCA) ki la shim ïa ka rai ban mih na ka seng Meghalaya Joint Action Committee halor ka nongrim bad ka MJAC kam shym la trei ïa ki kam kiba dei ban trei katkum ka jingthmu ba la pynbeit ha ki jingïalang.
Ki nongïalam kitei ki ar seng, naduh u ma Biang Shylla President k JHTOA bad u ma Balen Thubru President ka AJCCTA ki la pynmih ba ki la shim ïa ka rai ban mih noh na MJAC kaba la seng bad ïalam da u Enrico Pasi.
