Yn siew ka sorkar 3.71 klur tyngka sha ki 18 ngut ki nongtrei jong ka MSHB kiba la shim VRS

Shillong, Nailar 24: U myntri ba dei peit ia ka tnad kam shna iing jong ka sorkar Meghalaya u Marcuise N Marak u la pan pisa shuh ka iing dorbar ha kane ka shien shong dorbar synrai kaba mynta sa T.3,71,16,273/- tyngka ban siew sha ki 18 ngut ki nongtrei ka Meghalaya State Housing Board.
Ka sorkar kala wanrah ïa Bill hapoh ïing dorbar ban pynduh noh ïa ka Meghalaya State Housing Board bad ha kane ka Baord haduh mynta ki dang don 18 ngut ki nongtrei kiba la pdiang ïa ka jingtyrwa jong ka sorkar ba kin shim ïa ka “Voluntary Retirement Scheme”.
Kane ka jingpan pisa shuh na ka ïing dorbar ka long ban siew ïa kitei ki 18 ngut k nongtrei kiba la shim ïa ka VRS, ïa kane ka pisa ka sorkar ka la dep ban mang naduh a 7/8/2024 bad ïa kane ka pisa yn siew noh ha kine ki sngi.
Ka jingsiew ïa kine ki 18 ngut ki nongtrei ka MSHB ka sorkar kala buh ban siew ha ka 27/Nailar /2024 ha ka jingïalang kaba la buh ban long ha ophis treikam jong ka kaba don ha Madan Laban Shillong.