Pynïaid ka Finance Minister ïa ka jingïalang ban peit ïa ka jingtreikam ki Public Sector Bank

New Delhi, Nailar : Ka Myntri Sorkar Pdeng ba dei khmih ïa ki tnad Kam Pla Tyngka bad Corporate Affairs, NirmalaSitharaman ka la pynïaid ïa ka jingïalang ha New Delhi mynta ka sngi ban peit ïa ki jingtreikam ki Public Sector Bank (PSB) ha kaba ïadei bad ki kam pisa, ka jingkhring ïa ki jingkynshew pisa, ki jingsiew digital bad ki kam kiba ïadei bad ka jingshngain ha ki kam cyber, ha ryngkat ka jingpeit ïa ka jingioh lad ban shim ram hapoh ka jingplie lad ïa baroh ban ïadon bynta bad ruh kiwei kiwei ki kam kiba ïadei bad ki PSB.
Ha kane ka jingïalang la wan ïashim bynta lang ruh da u Dr.Vivek Joshi, Secretary; M. Nagaraju, Secretary-Designate, ka Tnad Financial Services; ki khliehduh jong ki Public Sector Bank (PSB) ha ryngkat ki ophisar jong ka Tnad Financial Services.
Ha kane ka jingïalang la iohi ba ha u snem mang tyngka 24, ki PSB ki la treikam bha ha baroh ki kam kiba ïadei bad ka pisa bad kane ka paw lyngba ka jingkiew ki jingdon jingem ha kaba ki Net NPA (NNPA) ki la hiar sha ka 0.76%, ka jingdon pisa ha ki bank haduh 15.55%, ka Net Interest Margin (NIM) jong ki bank kaba 3.22%, bad ka jingbun tam ka jingiohnong net aggregate kaba T. 1.45 lak klur ha kaba ka dividend ka long 27,830 klur na ka bynta ki shareholder. Ki jingkiew ha ki kam ki jam ki la kyntiew ruh ïa ka bor jong ki PSB ba kin pynmih pisa na ki iew.
Ha ka jingïakren shaphang ka jingkhring ïa ki jingkynshew pisa, ka Myntri ka la ong ba katba ka jingshim ram ka la kiew, dang lah ban pynbun shuh shuh ki jingkynshew pisa ban kyrshan ïa ka jingkiew ka jingshim ram bad kumta ka la bthah ïa ki bank ba kin sdang ïa kin pynlong ïa ki prokram ba kyrpang ban khring ïa ka jingkynshew pisa; Ka Sitharaman ka la ai jingmut ruh ïa ki PSB ba kin kyntiew ïa ka jingïadei bad ki briew na ka bynta ka jingai jingshakri ba kham bha.
Ka Myntri ka la kyntu ruh ïa ki Bank ba kin pynthikna ba ki nongtrei ki ïakren bad ki briew, khamtam ha ki jaka nongkyndong bad ki jaka khap sor. Ka Sitharaman ka la kyntu ruh ïa ki PSB ba kin peit ïa ka jingïatreilang ban pyndonkam lang ïa ki bor treikam da kaba ïasam ïa ki rukom treikam ba biang tam bad ba kin pynthymmai ïa ki jingtreikam katkum ki jingkylla ba dang wan ha ki kam kiba ïadei bad ki bank.
Ka la ïaroh ia ki sienjam jong ki bank ban kyntiew ia ki jingdon jingem bad ka la ai jingmut ia ki ba kin pyndonkam ia ki lad jong ki jingpynbeit bad ki jingioh biang ia ka pisa kiba don ha ka NCLT bad NARCL.
La iakren ruh shaphang ki jingsiew digital bad ka jingshngain ha ki kam security ha kane ka jingialang. Ka Myntri ka la ong ba dei ban peit bha ia ka jingshngain ha ki kam cyber bad ka la ban jur halor ka jingiatreilang ki bank, ka Sorkar ki nongpyniaid kam bad ki kynhun ai jingshngain khnang ban pynbiang ia ki jingshngain na ki jingma kiba don ha ki kam cyber. Ka Myntri ka la kyntu ruh ba dei ban peit biang na ka por sha ka por ia baroh ki bynta kiba iadei bad ka kam IT na ka bynta ka jingshngain ha ki kam cyber khnang ban pynthikna ba ki bank kim shah ktah ha ki kam beain.
Ka Sitharaman ka la ong ba ka Sorkar, lyngba ki skhim bapher bapher, ka la pyrshang ban plié lad shim ram ia ki briew kiba shem jingeh tam khnang ban kyrshan ia ka kamaikajih jong ki bad kyntiew ia ka jingim jong ki. Ka la ong ruh ia ki bank ba ki dei ban pynsted ban pyntreikam ia ki jingpynbna ha ka mang tyngka ba dang shu dep, ba kynthup ia ka rukom peit ba thymmai kumno ban ai ram ia ki MSME ba don nongrim ha ki kam digital bad ka jingtyllun ka pisa. La bthah ruh ia ki bank ba kin peit bniah ia ka jingkyntiew shuh shuh ki lad ioh shim ram ia kito kiba dei ban ioh ia kane hapoh ki sienjam kum ka PM Surya GharMuftBijliYojana bad PM VishwakarmaYojana.
Ka Myntri ka la ai jingmut ruh ia ki bank ba kin pynthikna ba ki bud ia ki kyndon jong ka Reserve Bank of India ha kaba iadei bad ka jingpynphai ia ki kot ki sla haba la pyndep ia ki jingsiew ia ki ram bad ka la ong ba ym dei ban pynslem ban pynphai ia kine ki kot ki sla sha ki briew.