Shillong, Jymmang 28: U Nongïalam ka NPP bad Myntri Sorkar James K Sangma ula ong ba kin dang mih bun ki jingkynnoh ba khlem nongrim pyrshah ïa ka Sorkar Meghalaya Democratic Alliance (MDA) namar bala nang jan ka elekshon jied MLA thymmai.
“Baroh ki jingkynnoh ba mih mynta pyrshah ïa ka Sorkar Jylla ki dei kiba khlem ka nongrim.Nga kyntait ruh ïa ka jingkynnoh donkti ka sorkar MDA ha ka kam khaïi tuh ïa u dewïong” ong une u Myntri.
Kat kum ka jingong jong u, ka long kaba suk ban shu kynnoh ïa ki briew hynrei ka ïapher pat bak ly bak ban pyn shisha bad ki sakhi satar. Ki jingkynnoh ki her bad diang bad mon bala jan ka elekshon.
“Mynta bala jan ka elekshon, ngi hap khmih lynti ïa kum kine kiei kiei baroh, ki jingkynnoh ba khlem nongrim bad ki jingkynnoh ki ban sa nang mih” ula ong.
