Hiar jurip Dr. Ampareen Lyngdoh ïa ki Primary Health Centre ha Eastern West Khasi Hills

Mairang, Naitung, 07: Ka Myntri kaba khmih ia ka Koit ka Khiah ka Dr. M Amapareen Lyngdoh ha ka Sngi Thohdieng jong ka taïew ba ladep ka la hiar sha Eastern West Khasi Hills ban leit jurip ïa ki Prmary Health Centre kiba don hapoh ka District ba kynthup ïa ka Nongkhlaw, Dongki ingding, Laitdom bad Nongthliew.
Ka jingleit mjurip jontg ka Myntri ïa kitei ki jaka sumar ka long ban pynthikna la ki Doctor, ki Nurse bad ki nongtrei ki trei bha bad ki biang ne em. Ha katei ka sngi la synran lang ïa ka Myntri da u bah Metbah Lyngdoh MLA ka thaiñ, u ba dei ruh u Chairman ka state Planning Board, u bah Batskhem Ryntathiang MDC, bah A.Nongbri Additional Deputy Commssioner Eastern West Khasi Hills, Dr. L.R.Hynñiewta MCS Executive Magistrate, Dr.E.G Tariang Pajat District Medical & Health Officer West Khasi Hills, Dr.P.E Hadia BMO bad u Dr. W.Sutnga Jr Specialist
Ha katei ka sngi ka Myntri ka la lap ba ki don katto katne ki jaka sumar kiba la biang, hynrei ki don pat katto katne ki jaka sumar ki bym pat biang satia, kiba dang don kam ban pynbha bad ban pynbiang ïa ka jingtreikam kata naduh ki Doctor, ki Nurses bad ki nongtrei. Nalor kata ki don ki PHC kiba ki jaka sumar ki dang khapngiah bha bad ki dang donkam ruh ban pynbiang sa ïa ki jaka test bad kiwei kiwei.
Na ka liang ka Myntri ka la kyntu ïa ki nongsynshar shnong jong ka thaiñ, ba kin ai ka jingïatreilang na ka bad ka sorkar khnang ba yn lah ban pynbit pynbiang ïa baroh ki jaka sumar, katkum ka jingdonkam ki paitbah bad ka la kular ruh ba ka sorkar, kan ïaleh ban pynbiang noh kloi katba lah ïa baroh ki jaka sumar kiba dang donkam ban pynbiang.