Da ka jingïalang ban thaw ïa ki lad ïatreilang ha ki kam bapher bapher la pynlong ha Embassy Japan

Shillong, Naitung 01: Ka jingïalang ban thaw ki lad ïatreilang ha ki kam bapher bapher jong ki tnad sports, tourism bad cultural ka la long ha ka 1 tarik July 2024 hapoh Embassy of Japan, New Delhi hapdeng u Mr KOBAYASHI Takashi, First Secretary (PR & Culture), Ms HAKAMATA Maho, Third Secretary, Embassy of Japan ha New Delhi bad u Mr John F Kharshiing, Co-Chairman, Meghalaya State Planning Board & Working President, Meghalaya State Olympic Association ha New Delhi.
Ha katei ka jingïalang kum shibynta ban pynïar ïa ki rukom ïatreilang Japan Meghalaya -India ki officer Japan ki la ong ba kumba long mynta ka Ri Japan bad India ki la don mynta ka jingïatreilang kaba jan hapdeng kiba bun ki kam ha kiba bun ki jylla Ri India bad ki long kiba kloi ban nang pynïar ïa kine ki jingtip sha ka jylla Meghalaya ban nang pynïajan ki rukom ïadei lyngba ka Cultur bad ka (cherry blossom festival ka long kawei na ki lad treikam lang, kumjuh ha ki kam tourism ki kam kilan met ( Sports) bad khamtam ban thaw ka lad ban pynshlur ïa ka jingnang ban kren ktien Japanese kum shibynta ban plie ki lad ïoh kam ïohjam sha Ri Japan na ka bynta ki samla ka jylla Meghalaya.
Ki long heh Japan ki la mynjur ban pynïakynduh ïa ki kynhun bapher bapher baroh arliang halor kitei ki mat ïakren ban pynïajan ka jingïatreilang kaba kham jan hapdeng ka Ri Japan bad ka jylla Meghalaya India, ong ka kyrwoh ba la phah da u Bah John F Kharshïing, Co-Chairman,Meghalaya State Planning Board, Govt of Meghalaya.