Shillong, Jylliew 29: Ha ka jingburom ïa ki jingnoh synnïang jong u Professor (late) Prasanta Chandra Mahalanobis ha ki kam statistics bad jingpynkhreh ïa ka ïoh ka kot, ka Sorkar Indïa ka la ithuh ïa ka 29 tarik u Jylliew man u snem, kaba dei ruh ka lyngkhuh sngi kha jong u, kum ka “Statistics Day” ha ka thup Ki Sngi Ba Kyrpang ba dei ban rakhe ha ka ri.
Ka thong jong ka jingrakhe ïa ka Statistics Day ka dei ban ai jingtip, khamtam ïa ki khynnah, shaphang ka bynta bad ka jingkongsan jong ka statistics ha ka jingpynkhreh ïa ka ïoh ka kot ha ka imlang sahlang bad ka jingtei ïa ki polisi na ka bynta ka roi ka par jong ka ri. Naduh u snem 2007, la rakhe ïa ka Statistics Day man u snem ha kaba la buh ïa ki phang ba kongsan ïa ka ri.
Ka phang jong ka Statistics Day, 2024 ka dei “Use of data for decision-making”. Ka jingshim ïa ki rai ha ka nongrim jong ka data ka long kaba kongsan ban shim ïa ki rai ha kano kano ka kam bad ka dei kawei na ki jingdonkam na ka bynta ka jingsngewthuh khham bha ïa ki jingtip stastics kiba mih na ki statistics bad ruh ban plie lad ïa ka jingshim ïa ki rai katkum ki sakhi. Ka prokam kaba kongsan jong ka Statistics Day, 2024 ka dei kaba la pynlong ha Manekshaw Centre, Delhi Cantt., New Delhi.
U kongsan, Dr. Arvind Panagariya, Chairman ka 16thFinance Commission u la ai jingkren ha kane ka sngi. U la kren shaphang ka bynta jong u Prof. P.C. Mahalanobis ha ka jingtei ïa ka Indïan Statistical System.
U la ong ruh ba ka Indïa ka dei ban bteng ïa ka polisi ba don nongrim ha ka datkhnang ban ïaid shakhmat ha ka jingkiew shaphrang.U Prof. Rajeeva Laxman Karandikar, Chairman, National Statistical Commission bad Dr. Saurabh Garg, Secretary, ka Tnat SPI ruh ki la ai jingkren ha kane ka sngi. U Chairman, NSC, u la ban jur halor ka jingdonkam ban plie lad shuh shuh ban ïoh bad pyndonkam ïa ka data bad u la ong ba ki sienjam jong ka Tnat ban pyndonkam ïa ka Information Technology ban pynmih ïa ka data ka dei kaba hap ban bteng.
U la ban jur ruh halor ka jingdonkam ïa ka jingpyndonkam lang bad ka jingpynïasoh ïa ki database ba pynmih da ki kynhun bapher bapher lynga ka jingïatreilang jong kito kiba ïadon bynta ha kane ka kam.
U Secretary, ka Tnat SPI ha ka jingai jingkren jong u u la kren shaphang ki sienjam ba dang shen jong ka Tnat ban pynduna ïa ka jingsuki ïa ka survey data kum ka Computer-Aided Personal Interview (CAPI), ki khana samari ba thymmai, bad ka rynsan eSankhyiki ba thymmai. U la ong ba u kyrmen ba ka Statistics Day kan bteng ban ai mynsiem ïa ki nongtrei statistics bad ki nongpynkhreh kam na ka bynta ka jingshim rai ha ka nongrim jong ka data.
Ki ophisar na ki Tnat Sorkar Pdeng, ki Sorkar Jylla / UT ki nongmihkhmat na ki kynhun UN, World Bank bad kiwei kiwei bad ruh kito kiba ïadon bynta ha kane ka kam ki la wan ïashim bynta lang ha kane ka sngi.
La pyni live ruh ïa ka prokram ha ki socïal medïa handle jong ka Tnat. Ha kane ka sngi la pynkup burom ruh ïa ki nongjop ïa ka jingïakop thoh essay 2024 na ka bynta ki samla Post- Graduate.Ha ka bynta teknikal, u Dr. Ajay Kumar, Secretary barim ka Tnat Kam Ïada Ri jong ka Sorkar Indïa, u la ai jingkren shaphang ka jingkongsan jong ka jingsynshar Sorkar kaba don nongrim ha ka data.
U la kren shaphang ka jingkongsan jong ka data ha kane ka juk digital ba kylla stet mynta bad ka bynta bad ka kam kaba dang kham ïar jong ka Tnat SPI.
La bud ïa kane da ka jingpyni da u Luis Felipe Lopez-Calva, Global Director jong World Bank Group’s poverty and equity global practice ïa ka jingshem ha kylleng ka pyrthei shaphang ka jingpyndonkam ïa ka data ban shim ïa ki rai.
U la ong ba ka data ka long kaba kongsan na ka bynta ka jingthaw polisi ba seisoh ba ïadei bad ki jingdon jingem bad u la batai ruh shaphang ki rukom treikam ba bïang tam ha ka pyrthei.Ha ka nongrim jong ka Sustainable Development Goals – National Indicator Framework (SDGs- NIF) ba la pynthymmai, man u snem ka Tnat SPI ka pyllait ïa ka Progress Report halor ki SDG ha kaba don ruh ka time series data ha ka Statistics Day (ka 29 tarik u Jylliew) ha ryngkat ar tylli ki kot kiba pynmih na ka progress report.
Kumta la pyllait lai tylli ki kaiphod ha kane ka sngi:i. Sustainable Development Goals – National Indicator Framework Progress Report, 2024’ii. ‘Data Snapshot on Sustainable Development Goals- National Indicator Framework, 2024’iii. ‘Sustainable Development Goals- National Indicator Framework, 2024’Ïa kine ki kaiphod lah ban ïoh na ka website jong ka tnat SPI (www.mospi.gov.in). Ïa ka time series data halor ki SDG lah ban download ha ka MS excel format na kane ka kaiphod.Ka Tnat ka la plie paidbah ïa ka rynsan eSankhyiki portal (https://esankhyiki.mospi.gov.in) da ka jingthmu ban tei ïa ka rynsan ïasam data ban suk ka jingsam ïa ki statistics ha ka ri. Lah ruh ban peit ïa kane ka rynsan na ka website jong ka tnat SPI (https://mospi.gov.in/).
Kane ka ai jingtip mardor ïa ki nongpynkhreh kam, ki nongthaw polisi, ki nongwad bnïah bad ki paidbah.
Ka rynsan eSankhyiki ka don ar tylli ki bynta kiba plie lad ïa ka jingsuk ban peit bad pyndonkam ïa ka data, kine ki long:i. Data Catalogue: Ka catalogue ka pyni ïa ki data ba don ka Tnat kum ka National Accounts Statistics, Consumer Price Index, Index of Industrïal Production, Annual Survey of Industries, Periodic Labour Force Survey bad Household Consumption Expenditure Survey ha kawei ka jaka.ii. Macro Indicators:
Kane ka pyni ïa ka time series data jong ki macro indicator ba kongsan ha aba lah ruh ban jied ïa ki bynta ba donkam. Ka plie lad ruh ïa ki briew ba kin download ïa ki custom dataset, ki visualization bad ban peit ïa ki lyngba ki API, kaba kyntiew ïa ka jingpyndonkam bïang ïa ka data. Mynta kane ka don saw tylli ki kam ba kongsan jong ka tnat SPI: National Accounts Statistics, Consumer Price Index, Index of Industrïal Production, bad Annual Survey of Industries, ba kynthup ïa ka data jong ki 10 snem ba la dep.
