Shillong, Jylliew 24: Ka khubor ba la ïoh na ki pulit la ïathuh ba ka Geeta Majumdar ka la phah ka jingujor ba ha ka 2 tarik mynta u bnai ki runar bym lah ban ithuh ki la prong hapoh ka quarter jong ka kaba don ha Raj Bhavan Quarter Campus, Shillong bad ki la tuh ïa ki mawkordor ba da ka ksiar bad ka pisa kumba T. 5,000/- haduh T. 7,000/- hajar kaba shu kheiñ antad.
Ha kawei pat ka jingjia ki pulit ki la ïathuh ba u Pinak Kanti Das u la phah ka jingujor ba ha ka 21 tarik mynta u bnai, u la shem ba ki waïar cable ha Oakland, Shillong ki la shah pynjulor bad ba ki runar bym lah ban ithuh ki la tuh ruh ïa ki cable ba shongdor kumba T. 8,000/- kaba pynïasoh na ka Main Telephone ex-change sha ka distribution box kaba ha Oakland, Shillong.
