Delhi, Jylliew 20: Ka kynhun Myntri jong ka Sorkar Pdeng ba la khlieh da u Myntri Rangbah Duh ka la ai jingmynjur ïa ki Minimum Support Price (MSP) na ka bynta baroh ki mar rep ba la ithuh hapoh ka thup Kharif na ka bynta ka samoi pynïaid ïew2024-25.
Ka Sorkar ka la kyntiew ïa ka MSP na ka bynta ki mar rep Kharif na ka bynta ka samoi pynïaid ïew 2024-25, ban pynthikna ba ki nongrep ki ïoh ïa ka dor kaba biang na ka bynta ki mar rep jong ki.
Ka jingkyntiew kaba heh tam ïa ka MSP haba ïanujor bad u snem ba la dep ka dei na ka bynta ki oilseed bad pulse lane niger seed (T.983/- shi quintal) ba bud da u sesamum (T.632/- shi quintal) bad tur/arhar (T.550/- shi quintal).
Ka ïadei bad ka dor kaba kynthup ïa baroh ki jinglut jingsep namar ka jingai bai bylla, ka jinglut na ka bynta ki masilur, ki kor, ka baiwai ïa ka jaka ba shu wai, ka jinglut jingsep na ka bynta ki symbai, ki sboh, ki bai pynpoi um, ka jingduh ki mar rep bad ki jingshna ha ki jaka rep.
Ka sut na ka bynta ka bai pyntreikam, ka diesel / bor ding elektrik ban pyntreikam ïa ki pump bad kiwei kiwei, ha ryngkat kiwei kiwei ki jinglut jingsep bad ka bai bylla haba trei hi da ki dkhot ka longïing. Ïa ka jinglut jingsep ym shym la pynkhreh la ka jong na ka bynta u kba (Grade A), Jowar (Maldandi) bad Cotton (Long staple)
Ka jingkyntiew ïa ka MSP ïa ki mar rep Kharif ha ka samoi pynïaid ïew2024-25 ka ïahab bad jingpynbna ha ka Mang Tyngka 2018-19 jong ka Sorkar Pdeng ban buh ïa ka MSP kaba kumno kumno 1.5 shah jong kaba pynmih mar ha baroh kawei ka India.
Ïa ka jingkyrmen ka jingïohnong ki nongrep kaba heh tam hadien ki jinglut jingsep jong ki, ka dei ïa u bajra (77%) ba bud da u tur (59%), riewhadem (54%) bad u rad (52%). Ïa ki mar rep ba sah pat, la antad ba ka jingïohnong ïa ki nongrep hadien ki jinglut jingsep kan long 50%.
Ha kine ki snem ba la dep, ka Sorkar ka la pynshlur ïa ka jingrep ïa ki mar rep, ba lait na ki cereal kum ki shana dai bad oilseed, bad Nutri-cereals/ Shree Anna, da kaba ai ka MSP kaba kham heh na ka bynta kine ki mar rep.
Hapdeng u 2003-04 bad 2013-14 na ka bynta 14 jait ki mar rep kiba hap hapoh ka samoi pynïaid ïew ïa ki mar rep Kharif, ka jingkyntiew MSP kaba duna tam ka long T.745/- shi quintal ïa u Bajra bad kaba bun tam ka long T.3,130/- shi quintal ïa u Moong katba hapdeng u 2013-14 haduh 2023-24, ka jingkyntiew MSP kaba duna tam ka long T.780/- shi quintal ïa u riewhadem bad kaba bun tam ka long T.4,234/- shi quintal ïa u Nigerseed.
